Éxodo 6:12 - Sharanahua: Diospan Tsain

¹² Nannori nicatan Moisés nocon Ifo Diosi cumani isca huaquin, —Nan uhuun caifoancai ua nicacasmaifoanno mimacai huaquin nan niaifo Faraoncai ua nicapaimafinquin. Unfin atiatitsaquin. Uhuun tsaincai niaifoan tsain cuscaramaran, —ishon cumani.

Éxodo 6:12 Referans Kwoze

Éxodo 4:10

—¡Ohua, Ifon! Uncai tsain sharatiroma. Unfin atiatitsaquin. Un facuashu nanscara un inacahuana. Uhuun tsaincai niaifo tsain cuscarama. Tsoancai uhuun tsain ua nicananpaitiroma. Uhuun tsaincai sharamafinquin. Unfin funainquimashta fusti tsaintiroquin. Un min oinmatifiashocai un yorafo ichanaintian cayacafi yoisharatiromaran, —ishon yoini.

Éxodo 6:30

Ascaiton Moisés cumani, —Uhuun Ifon, unfin atiatitsaquin. Uncai tsainsharatiroma. Ascan niaifo Faraoncai ua nicapaitiromaran, —ishon yoini.

Hechos 7:51

Manfin maton shunifo cuscaracoinquin. Fasi nicayosmashunifo. Upa Diosin tsain nicapaicoincanima. Man icoinra huacoinmisima. Diospan Yoshin Shara mato yoimisi cuscacai man nicacoinmisima.

Éxodo 6:9

Ascano Moisés ahuun caifo Israelifo Diosin yoini cusca ato tapimani. Nannori ato yoiaiton nicacatancai tsoan Moisés icoinra huapainima. Nan Egipciofoan ato curushcain yonomamisifia nantian fasi aton nomuran fucashcoin muutanifo tsoancai Moisés yoiai cusca nicapainima.

Éxodo 3:13

Ascaiton Moisés cumani, —¡Ma! Uncai ascapaima. Uhuun caifoan, “Min chaniran,” ishon ua yoitirofo. Ascafian unfin uhuun caifo Israelifo ano nocoshon un ato yoitiroquin isca huaquin, “Nocon shunifoan aton Diosifin ua matoqui nichiaquin,” ishon un ato yoiaiton ua isca huatirofo, “¿Nan Diosimun ahuun anu ahuanuquin?” ishon. ¿Ua yocaifoan un raquiri ato cumatiromun? —ishon Moisés cumaiton.

Éxodo 3:11

Nannori Diosin yoiaiton nicain Moisés Upa Diosi cumaquin isca huani, —Ma. Uncai ahuama. Un Faraón icano uhuun caifo Israelifo Egipcio mai anoshon un ato iyotapanan, —ishon Moisés Upa Dios cumaiton.

Éxodo 4:1

Ascano Moisés afanan Diosi cumani isca huaquin, —Uncai ahuama. Uhuun caifofoanraca ua icoinra huatiroma. Uhuun tsain nicapaitamarocon ua yoiquin isca huatirofo, “Nocon Ifo Diosincai mia onanmanama. Mincai Diosi onanmisimaran,” ishon ua yoitirofo, —Moisés nannori Diosi cumaiton.

Éxodo 6:13

Ascano nocon Ifo Diosin Moisés yafi Aarón yononi cusca aton caifo Israelifo yafi Egipcio niaifo Faraón afanan yoinifo, —Nocon Ifo Diosin noco yonoa isca huaquin, “Maton caifo Israelifo Egipcio mai anoshon iyotacahuun,” —ishon noco yononi.