Éxodo 5:21 - Sharanahua: Diospan Tsain

²¹ Ascashon Israeli niaifofoan ato yoiquin isca huanifo, —Ascacun nan niaifo Faraón nocohuunoa shinanchaca. Ahuun yorafoanfin nocohuunoari shinanchacacaniquin. Matohuunfin nuaquin. Natian noco rutupaiquifin noco rututirofoquin. Diosimain mato onaintimapainonran, —ishon niaifofoan Moisés yafi Aarón yoinifo.

Éxodo 5:21 Referans Kwoze

Génesis 34:30

Ascan Jacob ahuun facu rafu Simeón yafi Leví yoini, —Man ua fasi chacacoin hua. Nan Cananeofo futan Ferezeofoan natian ua noicasmacani. Uqui osinancani ua rutushcaquin. Noncai yora ichapama noco rutuquin finacoincaniran, —ishon Jacob ato yoini.

1 Samuel 13:4

Ascano Saúl nantifi ahuun caifofo Israelifo tapimaquin isca huani, —Filisteofoan Gabaa aton cushumisi uhuapa ano uhuun ranushumua non Filisteofo aton ranushumuafo rutufain atirifi ichofain ato cushumisi uhuapacoin non chaca huaquin futsanifo. Ascano Filisteofoan natian noco fasi noicasmacoinran, —ishon Saúl ato yoini. Ascashon nantifi Israelifo ranushumuafo Saúl Guigal anoafo ichanan huani.

Éxodo 6:9

Ascano Moisés ahuun caifo Israelifo Diosin yoini cusca ato tapimani. Nannori ato yoiaiton nicacatancai tsoan Moisés icoinra huapainima. Nan Egipciofoan ato curushcain yonomamisifia nantian fasi aton nomuran fucashcoin muutanifo tsoancai Moisés yoiai cusca nicapainima.

Génesis 16:5

Asca huaiton nicaquin Saraipan Abram yoini, —Uhuun oinmatinin natia uhuunoa shinanchacai. Ufin yoiyamua, “Min uhuun funun ahuun ahuin futsa itiroran,” ishon. Ascafia uhuunoa shinanchacafafainni. Minhuun nua. Mian chaca hua cuscan nocon Ifo Diosi tapicoian. Ascacun mia Diospan asca huapainonran, —ishon Saraipan funu yoini.

Éxodo 14:11

Nanscara oincani Moisésqui ahuun caifo Israelifoan fasi tsain chipunifo. Yoiquin isca huani, —¿Ahuuscai Egipcio mai ano non itiromamun? Anoashu non naino nanno non maitiro. ¿Ahuuscaquimun tsoa istaipama min noco ihuuaquin non nunoashu naanon? ¿Ahuuscaquimun min noco Egipcio mai anoshon ihuuaquin?

Éxodo 4:31

Nan oincashon icoinracoin huanifo. Ahuun ushto Moisés Dioshuunshon yoini cusca Aarón ahuun caifo nan Israelifo tapimani. —Nocon Ifo Diosin mato fasi shinain. Man omitsiscai cusca nantifi man oian Diosin matohuun ramapairan, —ishon Aarón ato yoini. Ascaiton nicacashon nantian Diosi cufinnifo. Yoiquin isca huanifo, —Upa Diosin, minfin nocon Ifo sharaquin, —huanifo. Ascashon nantifiton ratoconun mai chachishon Diosihuunoa yoisharanifo.

Génesis 31:53

Min shota Abraham yafi uhuun shota Nacor aton Diosin noco oin. Nanton noco oin non shara huatanainton, —ishon Labán yoini. Jacob cumani isca huaquin, —Uhuun upa Isaac Upa Diosi nicacoinmisi. Urifi Diosihuunoashu mian yoiai cuscan un aicai, —ishon Jacob yoini.

Éxodo 5:20

Nan Faraón pushu anoashu focani Moisés futan Aarón ato chifishon manaifoanno noconifo.

Éxodo 15:24

Ascano nantifi Israelifo Moisésqui fasi sinacoincaquin aqui tsain chipunifo. Ascashon yoinifo, —¿Natianmun non raquia unu ayaicain? —huanifo.

Éxodo 16:2

Nanno nan mainfin uhuapan anoshon nantifi Israelifoan Moisés yafi Aarónqui tsain chipunifo. Fasi atoqui sinacaquin.

Números 14:3

¿Ahuuscaimun nocon Ifo Diosin na mai ano noco ihuuaquin noco ashin rutushon? Nocon ahuinfo non nocon facufori achishcaquin aton yonomati inonfo. Non nunoashu fononfocahuun non afanan Egipcio mai ano nasononcahuun, —icashu Israelifo yoinannifo.

Números 14:22

Nanscarifi aquin tsoa istaipamashon un ahuamamishti ato ashomisi cusca oinfiashocai ua icoinra huamisifoma. Nantishotapiquin ua nansca huamisifo. Ascatari ua nicacasmamisifo.