Éxodo 34:31 - Sharanahua: Diospan Tsain

³¹ Ascatan Moisés Israelifo ato cunani, —Uqui fucahuun un mato yoinon, —ishon ato cunaino aqui fonifo.

Éxodo 34:31 Referans Kwoze

Éxodo 3:15

Afanan Diosin Moisés yoini isca huaquin, —Min caifofo Israelifo yoitanhuun isca huaquin, “Nocon shunifo Abraham non Isaac non Jacob nocon shunifoan aton Diosin nan nocon Ifoanfin ua matoqui nichiaquin,” ishon ato yoitanhuun. Nan un mia yoia cuscafin Un ipamisiquin. Nan uhuun anu. Min non min caifo non maton funafo tapitiro uhuun anucai fiananpacunacama. Unfin ipamisiquin. Nannori fusti uhuun anu.

Génesis 45:15

José nantifi ahuun yorafo icoancufoan uaiquipacuni. Ascatan ahuun yorafoya tsain shara yoinonannifo.

Génesis 45:3

Ascatan José ahuun yorafo yoini isca huaquin, —Unfin Joséquin. ¿Uhuun upa afin niamun? —ishon ato yocaino ahuun yorafo nicain fasi ratucoincani tsoa puusinima.

Éxodo 16:22

Ascano nan viernestifi fasi paratamacoin iquisi fitirofo ini. Nan tushu nocon Ifo Diosin ato nai muranshon niriashoaiton nantifiton nan litro rafu fitamarocon iquisi litro rafu non rafuri finifo. Ascano nanfo oinquin niaifo patasharinoafoan Moisés yocanifo isca huaquin, —¿Ahuuscaimun na cuscarafo iscaiquin? —ishon yocanifo.

Éxodo 34:30

Ascano Aarón yafi Israelifo icano Moisés nocoaiton oianfo ahuun fuso fasi chashacoiaiton oincani fasi aqui ratucoinnifo. Moisés chaimacai Israelifo aqui funifoma fasi ratucani.

Éxodo 34:32

Ascano nantifi Israelifo aqui fonifo machi Sinain mamaquishon nocon Ifo Diosin yononi cusca nantifi Moisés ato yoipacuni.