Éxodo 34:29 - Sharanahua: Diospan Tsain

²⁹ Ascatan cunuquin anaitishoano Moisés machi Sinain mamaquinoashu fotoni nan toquiri sapa rafuqui Diosin ato yononi cusca tsomashu. Nan fotoquicai Moisés tapinima nocon Ifo Dios fu tsaincaitian ahuun fuso fasi chashani.

Éxodo 34:29 Referans Kwoze

Mateo 17:2

Ascan nannoashu aton ointaifi Jesús ahuun yora mumacoin fianananriscatanaino ahuun fusori fasi chashacointani. Nan fari chashai ointsa. Ahuun sahuutiri oshopacoin nan yoa rama furoa ointsa ini.

Lucas 9:29

Ascashon Apa Dios cufiaino ahuun fuso fianananriscatani. Ahuun sahuutiri chashariscatani nan yoa rama furoa ointsa. Fasi osho sharacoin facafacai ini.

Éxodo 32:15

Ascatan Moisés nocon Ifo Diosi maquinoashu machi ariashu tununman fotopacuni. Upa Diosin ato yononi cusca toquiri sapa rafu ocuma rafu cunua. Nan rafu tsomashu Moisés machi mamaquinoashu fotoni.

Apocalipsis 1:16

Ahuun mucu mumihuuri fishi ointsa siete tsoma. Ahuun ashfan muranri nopu ocuma rafu cunocoin asuonmua ointsa. Ahuun fusorifi fari chashaquin finai ointsa. Nanscara nan nocofunu un oian.

2 Corintios 3:13

Moisés ahuun fuso fasi chashatanaino fufopomuni nocon shuni Israelifoan oinonfoma. Ascashu fufopomuaino itiashmashtafi ahuun fuso chashai nishmapacuni. Noncai Moisés cuscarama.

Apocalipsis 10:1

Ascatan un oian Diosin ahuun oinmati afu ica futsa mutsisipacoin nai murannoashu fotoaiton. Coin camaqui fotoaiton ahuun caya un oian iscara. Maiti nanhuanfai ointsa maia. Ahuun fuso fasi chashacoian fari ointsa. Ahuun quishi rafu chi ointsari.

Hechos 6:15

Ahuunoa chani yoicashon niaifofoan fuiscaquin oianfo ahuun fuso. Diospan oinmati afu nai muran ica ointsa fupishtacoin ini.

Juan 5:13

Yoratisho quicurushui futsuatocain tapinima tsoanmain caya huamaquin. Asca huafainicai Jesús samamashta amaquinoashu yorahuanrasi muran cani. Ascaitocai afanan tsoan oinnima.

Hechos 12:9

Ascaino cunu murannoashu afu caicainni. Caicainquin ahuun nomuran shinanni, —Uncai cacoinnima. Uhuun namapan raca un caicatin, —ishon shinanni.

Hechos 23:5

—Uhuun yoramishtichin, un onanma nanton nocon yorafohuunshon Dios cufimisi niaifocoin. Diospan tsain cunuquin isca huani, “Maton niaifofo ato tsain chaca huayamacahuun,” —ato huani.

Lucas 2:49

Jesús ahua cumani, —¿Uhuan, ahuusca huaashquin man ua funaiquin? Man tapiamamun nuno uhuun Upa cufiti pushu muran un iquia ahuun tsain nicasharashquin, —huani.

Marcos 9:6

Raquirira huapaifiacani ratucoinnifo.

Josué 2:4

Niaifoan nannori yoifiacai Rahab nan Israeli nocofunu rafu onuni. Ascashon cumaquin isca huani, —Icon nan nocofunu rafu uhuun pushu muran iquifiafo. Ascafia uncain tapiama raquiashumain fuafoquin.

Marcos 14:40

Ascashon afanan atoqui nasoquin oian afanan afu rafuafo oshafo ini. Fasi oshapan noicani moipaiquin ranannifo. Raquirimain Jesús ato yoicai tapinifoma. Ascan puusinifoma.

Éxodo 16:15

Ascarafocai tsoan oinyomisifoma Israelifo afi ranan yocanonannifo, —¿Naafomun ahuaquin? —icashu yocanonannifo. Ascaifoan Moisés ato yoini, —Na tushufin Diosin mato inanquin.

Éxodo 31:18

Ascano nan machi Sinain mamaquishon nocon Ifo Diosin Moisés tapimani cusca yoiqui anaitiano nan ato yononi cusca toquiri sapa rafuqui Diosin ahuun mutotinin ato cunushoni. Ascashon Moisés inanni ahuun caifo foshotanon.

Éxodo 34:35

Nan ato yoiaiton oianfo ahuun fuso afanan chashacoin ini. Nantian Moisés afanan fufopomuni. Ascano Moiséscai nan nocon Ifo Diosi fu tsainquicai fufopomunima.