Éxodo 34:28 - Sharanahua: Diospan Tsain28 Nocon Ifo Diosin yonoai cusca Moisés huashoni. Nantiari a fu ini. Cuarenta dia cai ahuashta piyamafain unuricai ayanima. Nocon Ifo Diosin ato yononi cusca nan toquiri sapa rafuqui Moisés cunushoni. Mucu rafuti ahuara sharahuunoa Ifo Diosin Israelifo yononi cusca nanfo cununi. Gade chapit la |
Shinancapon. Upa Diosin nocon caifo Israelifo ato yonopaiyai cuscan toquiri sapaqui ato cunushoni. Ato yononi cuscan nicayamacanashu natirofo omitsiscapashcaquin. Upa Diosin ato yononi cuscan Moisés ato yoiaino Diosinhuunoashu ahuun fuso fasi chashaqui nocon shuni Israelifo ointima huani. Chashafiashu funainquimashta nishmapacuni. Ascatan Upa Diosin Moisés yononi cuscan fasi sharashtacoinfiashu natianfin ahuun Yoshin Sharapan noco yonoai cuscan fasi finacaia ahuun yono sharashtacoin man noco ismaquin.
Nan Moisés cufiain cusca nicaquin nocon Ifo Diosin cumani isca huaquin, —Un mato yoiai cusca man aiton un mato cushusharafafainshquin. Un min caifoan aton ointaifin un ahuamamishti huashoshquin. Un mato ashoai cuscacai mani futsafoan oinmisifoma. Un mia ashoai cusca mi fu icafoan oincaquin tapitirofo unfin ahuamamishti sharacoinfo huatiroquin.