Éxodo 34:11 - Sharanahua: Diospan Tsain

¹¹ Un natian mato yonoai cusca man aiton nan mato noicasmaifo Amorreofo non Cananeofo non Hititafo non Ferezeofo non Heveofo non Jebuseofo un ato potano nan mai un mato inanshquin nanfocai afanan nanno itirofoma.

Éxodo 34:11 Referans Kwoze

Éxodo 33:2

Unfin uhuun oinmati u fu nai muran ica un mia nichishonicai mato rucu cashonon. Ascanofin nan mato noicasmaifo oin uhuun oinmatinin ato potaino nan mai un mato inain. Ascano Cananeofo potafain Amorreofo potafain Hititafo potafain Ferezeofo potafain Heveofo potafain Jebuseofo potashquin.

Éxodo 3:17

Nan min shunifo inonpacoai cusca un yoiyoni nan omitsiscaifotian un mato Egipcio mai anoshon mai futsa yora futsafo nanno icafo ari un ato iyoi cairan huani. Nan maifin Cananeofo non Hititafo non Amorreofo non Ferezeofo non Heveofo non Jebuseofo nan mai ano icafo. Nanno mai fasi sharacoin. Nanno yonofo foaisharacain tushu sharacoin futsa futsatapafo icain fona ichapa fata sharaforan,’ ” ishon yoini.

Deuteronomio 6:25

Nocon Ifo Diosin noco oiainno non shinansharafain noco yononi cusca non afafainshquin. Nanscashu non ahuun yora shara itiroran,” —ishon Moisés ahuun caifo yoini.

Deuteronomio 6:3

Uhuun yorafo Israelifoan un mato yoiai cusca nantifi nicasharacahuun. Man nica cusca nantifi acahuun. Man ascaiton nan mai shara ano man facu ichapa ayashcaquin. Nannocai man ahua yopashquima. Maton shunifo nocon Ifo Diosin yoiyoni cusca nannori matori yoiyoni.

Éxodo 3:8

Unfin nai murannoashu fotoaquin ato numashquin. Unfin Egipcio mai anoshon ato nichicain nan mai uhuapa fasi sharacoin ano un ato iyoi cai. Nannofin nantifi yono foaisharacain tushu sharacoinfo futsa futsatapafo icain fona ichaparasiquin. Nan unu afatiro cusca nanscarifi ai nan fona ayati sharacoin afain. Nantianri nanno Cananeofo non Hititafo non Amorreofo non Ferezeofo non Heveofo non Jebuseofo non afo icafoquin.

Juan 14:21

Un mato yonoa cuscan ua nicacoinshonfin ua fasi noicoinquin. Ua noicoiainton uhuun Upari ahuun noi. Ascaino urifi un ahuun noi. Un shinain cuscan u ato tapimairan, —ishon Jesús noco yoini.

Mateo 28:20

Ascashon nantifi un mato yonoa cuscan huafain yorafori yosicahuun icoinra huafain ua nicasharanonfo. Unfin matofu iquicai. Ascashu nan un afanan oaitian un mato furi ipanacaran, —ishon noco Jesús yoini. Nanti.

Deuteronomio 4:40

Un na shafata Diospan tsain mato yonoa cusca man nicasharaino maton facufoya man isharatiro. Man ascaino nan mai shara nocon Ifo Diosin mato inanpacushquin nannofin man ipatiroquiran, —ishon Moisés Israelifo yoini.

Éxodo 8:27

Non mato mai anoashu osha rafu non fusti cayoicai nannoshon nocon Ifo Diosin noco yonoa cusca non ashoin. Nanno tsoa istaipamashon non nocon inafo rututiro Diosi ismashquin nan non tanasharai cusca nofiri Ifo Diosi inanshquin, —ishon Moisés cumaiton.

Josué 23:5

Nan ratoran caifo futsafo man ato mai anoshon potataima nocon Ifo Diosin matohuunshon ato potashquin man ato mai fiinon. Nannori maton Ifo Diosin mato yoiyoni.