Éxodo 33:20 - Sharanahua: Diospan Tsain

²⁰ Ascafiacai uhuun fusocoin min ointiroma. Tsoancai ua ointiroma. Ua oinfin yora nariscatiroquin.

Éxodo 33:20 Referans Kwoze

Juan 1:18

Tsoancai Upa Dios oinmisima. Ascafia ahuun Facu fu rafumisiton ahuunoa noco yoimisiquin. Ahuunshon non tapitiro ahuu cuscaramain Upa Diosiquin.

Génesis 32:30

—Un Diosi fuso oinfiaitocai ua namamanamaran, —ishon Jacob yoini. Ascashon nannoa nan mai anuni Penuelran ishon yoini.

1 Timoteo 6:16

Arus fusti niaifocoin ipanaca. Nancai napanacama. A icarifi chashacoianquin. Ascano tsoacai aqui nocotiroma. Tsoanricai ointamari ointiroma. Ascacun non ahuunoa yoisharanon. Aafin curushcoin ipanacaquin. Nanscasiai.

Hebreos 1:13

Afanan Upan Diosin Furun yoiquin isca huani, “Min ufu niaifoaitiancai nan mia noicasmafoan afanan mia ahuusca huatirofoma. Minfin nantifi ato iquiniran,” ishon yoini. Asca anoricai ahuun oinmati afu nai muran icafo yoimisima. Ascashon Furun fusti catonni nantifiton aton Ifo inon.

Éxodo 33:18

Ascano Moisés afanan nocon Ifo Diosi cufini isca huaquin, —Uhuun Ifon, min sharacoin un mia oinpaiyai cusca ua ismapun, —ishon cufini.

Éxodo 33:23

Ascano nan uhuun mucu un finifoannaitian min uhuun puchi fusti oinshquin. Ascafia mincai uhuun fuso ointiromaran, —ishon Ifo Diosin Moisés yoini.

Éxodo 3:6

Nan min shunifo Abraham non Isaac non Jacob un aton Diosifin Unquin, —ishon yoini. Nannori huaiton nicain Moisés fasi ratucoinquin shinanni isca huaquin, —Un Diospan fuso oin un nariscatiroran, —icashu fufopomuni Diospan fuso oinshquima.