Éxodo 32:27 - Sharanahua: Diospan Tsain

²⁷ Ascashon Moisés ato yoini, —Nonfin Israelifoquin nocon Ifo Diosin ua yoia isca huaquin, “Maton ashin nan yorafo ua chaca huaifo ato rututacahuun. Nan raniran icafoanno nantifi ato rutuqui futsashquin. Maton ochi non maton ushto non mato fu rafuafo non mato chaima icafori nan ua chaca huaifo ato rututacahuun,” ishon Diosin noco yonoaran, —ishon Moisés ato yoini.

Éxodo 32:27 Referans Kwoze

Lucas 14:26

—Tsoan ua finonmacaifain apa yafi ahua non ahuin non ahuun facufo non ahuun yorafo non poifo afiri noiashucai ua tanamisi itiroma.

2 Corintios 5:16

Ascacufin icoinra huamafoan futsafohuunoa shinainfo cuscacai un afanan atohuunoa anori shinanpacunacama. Unri anori shinanpaonifiashucai un afanan ascapacunacama. Cristohuunoari un amaquiri shinanpaoni. Uncai afanan ahuunoa anori shinainma.

Éxodo 32:29

Ascatan Moisés Levitafo yoini, —Uhuun yorafoan, nocon Ifo Diosin mato catoan mato yonopaiyai cusca man anon. Manfin nocon Ifo Diosin nicacoianquin. Maton facufo non maton yorafori mato yonoa cusca man ato rutua. Ascacun na shafata nocon Ifoan matohuunoa shinanshararan, —ishon Moisés ato yoini.

Éxodo 32:26

Nanscaifoan shinanquin Moisés oi ashcafinin ahuun yorafo cunani. —Nan ratorafo nocon Ifo Diosi fu rafupai uqui fucahuun, —ishon ato cunaino. Nan nicatan nantifi Levitafo aqui funifo.

Éxodo 32:28

Ascano nan Moisés ato yoia cusca Levitafoan huani. Nantian tres mil cuana nocofunufo rutunifo.