Éxodo 32:22 - Sharanahua: Diospan Tsain

²² Aarón cumani, —Ushton, sinayamapun. Man min tapian na nocon caifoan samamashta chaca huatirofo.

Éxodo 32:22 Referans Kwoze

1 Samuel 15:24

Nicaquin Saúl cumani, isca huaquin, —Icon, mun chaca hua. Nocon Ifo Diosin ua yonoa cuscan un huayamafain min ua tapima cuscan un aama. Uhuun caifofoan ua apaiyai cuscan un atoqui ratua. Ascacun ua yoiafo cuscan un hua.

Éxodo 16:20

Nannori ato yoifiano atirifoan nicatama nan tushu huafo mucunifo shafa futsa iyoconaino pipaiquin. Ascano funamarishta oianfo nan tushu huaitafo muran shunanhuanrasi ichapacoin ini. Fasi shuna tsopi tsopi iqui futsui. Fuputapaiquin a muran shutuafo fasi pisicoin oin Moisés ahuun caifo Israelifoqui sinacoinni.

Éxodo 15:24

Ascano nantifi Israelifo Moisésqui fasi sinacoincaquin aqui tsain chipunifo. Ascashon yoinifo, —¿Natianmun non raquia unu ayaicain? —huanifo.

Éxodo 14:11

Nanscara oincani Moisésqui ahuun caifo Israelifoan fasi tsain chipunifo. Yoiquin isca huani, —¿Ahuuscai Egipcio mai ano non itiromamun? Anoashu non naino nanno non maitiro. ¿Ahuuscaquimun tsoa istaipama min noco ihuuaquin non nunoashu naanon? ¿Ahuuscaquimun min noco Egipcio mai anoshon ihuuaquin?

Éxodo 16:28

Ascaiton oinquin nocon Ifo Diosin Moisés yoini, —¿Ahuutiacaimun na yorafoan ua nicacaniquin? Un ato yoia cuscacai tsoan ua nicapaima.

Génesis 44:18

Nicatan Judá aqui chaimashta cashon yoini, —Niaifon, ua nicapun. Min Faraón niaifo cuscararifiashu un mia yoiai cuscan uqui sinayamapun.

Éxodo 32:21

Ascatan ahuun ochi Aarón yocani, —¿Ochin, na yorafoanmun mia ahuusca huacun min ato fasi chaca huamaicain? —ishon yocaiton.

1 Samuel 15:15

—Ranushumuafo Amalec anoashu fuafo. Nan chashoan sharafosi catonshon moi sharafori catonpacushon. Ascashon chipo man rutui min Ifo Diosi inain cafisca huashquin. Nansca huaquin ahuun yorafo oinmanon. Ascafia ahuara futsafo rutufain non mafo non pushufo yafi non coaquin cuyoaran, —ishon Saúl cumaiton.

1 Samuel 15:21

Ascan ranushumuafoan chashoan sharacoinfo non moi sharacoinfori fushoa nocon Ifo Diosina inon min Ifo Dioshuunshon toquiri putsamuinia Gilgal mai anoshon rutunonfo, —ishon Saúl cumani.

Éxodo 32:1

Nantianri Israelifoan shinannifo fasi Moisés manariacaquin yoinifo isca huaquin, —Noncai tapiama ahuutiamain Moisés nocoqui nasoicai. Ahuara chacaraca finoan, —icashu Israelifo yoinannifo. Ascatan Aarón ano fonifo nan shinainfo cusca yoifocani. Ascashon yoiquin isca huanifo, —Moisés noco Egipcio mai arishon ihuufiashon noco potafainna. Ascacun noco diosi futsafo noco rami huashohuun nanfoan noco mai futsa ano iyoicanon, —ishon yoinifo.