Éxodo 32:10 - Sharanahua: Diospan Tsain

¹⁰ Ascacun ua nituhuayamahuu. Natian un fasi atoqui sinacoin unfin ato namaquin futsashquicain. Ascano un mihuunshon mani futsafo ichapa sharafo un oni huashquiran, —ishon nocon Ifo Diosin Moisés yoini.

Éxodo 32:10 Referans Kwoze

Números 14:12

Natianfin un ato potaicain afanan uhuun yora inonfoma. Un pau isincoin ato fuchimani nantifi nai futsunonfo. Un asca huatan un minhuunshon caifo futsafo un oni huashquin. Nan min yorafoanfin Israelifo finoncoianfo fasi mutsisipacoin iishquicaniquin. Israelifocai ascarafo imisimaran, —ishon nocon Ifo Diosin Moisés yoini.

Números 16:22

Nannori nicacatan Moisés fu Aarón fuopacucahuan nocon Ifo Diosi cufinnifo isca huaquin, —Nocon Diosin, min nantifi yora niimamisi. Mia maisicai tsoa nipatiroma. ¿Ascafia nan nocofunu fustiton chaca huafiamun min nantifiqui sinaicai? —ishon nannori fasi curushcai cufinnifo.

Éxodo 32:19

Nanscaifoan moi cahua shara oinfain monoaifoan oin Moisés fasi sinacoinquin toquiri sapa rafu machi tunanman potani. Potaino moshi futsuni.

Éxodo 32:11

Nannori Upa Diosin yoiaiton nicaquin Moisés cumani isca huaquin, —Uhuun Ifon, min curushhuunshon min ahuamamishti huatiro cusca na yorafo uhuun caifofo min ato Egipcio mai anoshon ihuua. Ascacun atoqui sinaquin ato cuyoyamapun.

Santiago 5:16

Ascacun man chaca huaa cuscan yoinonancahuun Upa Diosin maton chaca soashonon mato caya huanon. Ratoran futsan Jesushuunoashu isharashon nanton mato Upa Dios cufishonaiton nicasharashquin nan cufiai cuscan ahuamamishti huashotiro.

Éxodo 33:3

Nan mai shara ahuara ichapa ano fotacahuun. Ascafiacai un mato fu caima. Manfin ua nicacasmamisiquin. Nanscacun un mato fu caquin un mato rutuqui futsashquiraca, —ishon nocon Ifo Diosin ato yoini.

Números 16:21

—Na yorafomaquinoashu foriscatacahuun un ato namarisca huaiquin, —ishon Upa Diosin Moisés yafi Aarón yoini.

Génesis 12:2

Min funafohuunshon min caifo ichapacoin un imanon. Ascacun un mia fasi shara huashquin. Ascaiton nantifi yorafoan mihuunoa nicashcani. Ascashon mihuunshon nantifi yora maitio anoafo un ato shara huashquin.