Éxodo 2:17 - Sharanahua: Diospan Tsain

¹⁷ Ascatan nantiari chashoan cushumisifoan shomayafo ato ichonnifo. Ascaiton oin Moisés funinacahuan ato yoini, —¿Ahuuscai man shomayafo ichonhuain? Nanfoanfin chashohuan ayamatirofoquin, —ishon Moisés ato yoini. Ascashon Moisés afincoin nan chashoanfo ato unu ayamani.

Éxodo 2:17 Referans Kwoze

Génesis 29:10

Ascaiton Jacob oinni Raquel arifi ahuun chashoanfoya oaiton ato unu ayamaniyoi. Nan Raquel Labán ahuun facu. Labán Jacob ahuun ahuan yora ini. Ascano Jacob toquirininhuan fupuni Raquel apa chashoanfo ayamanon.

Génesis 21:25

Ascano Abraham ahuara futsa Abimelec yoiquin isca huani, —¿Ahuuscai min oinmatifoan uhuun pozomua fiamun? —ishon yocaiton.

Éxodo 2:12

Ifiacucahuan oian acachori tsoa yamai ini. Nan ahuun caifo sutuaiton oinquin Moisés nocofunu Egipcio rutuni. Rutushon mainfin mai huani.

Génesis 29:3

Nantifi nan chashoanfo ichananhuanfotian aton cushumisifoan toquiri fupunifo ato ayamashquin. Ato ayamaquin anaititan afanan toquirininhuanun fupomisi ini.