Éxodo 18:24 - Sharanahua: Diospan Tsain

²⁴ Nan ahuun raisi yoiai cusca Moisés nicatan nanscacoin ani.

Éxodo 18:24 Referans Kwoze

1 Corintios 12:21

Ascan furoncai mucu isca huatiroma, —Uncai mia yopaima, —ishon yoitiroma. Maponricai tau isca huatiroma, —Uncai mia yopaima, —ishoncai yoitiroma. Ascan isca huaquin shinanyamacahuun, —Un mia yopaimaran, —ishon futsa yoiyamacahuun. Diosifin nan icoinra huafoti noco noicoinquin. Nanscarifiai nofi ranan non noinanoncahuun.

Éxodo 18:19

Un mia yoisharapaiyai cusca ua nicasharapun. Diosin mia shinansharamapainon. Min yorafoan Diosi yocapaiyai cusca mia tapimai fuafo. Ascacun min Diosi cufitiro ato cumasharashquin.

Éxodo 18:23

Un mia yonoa cusca nanscari huaquin Diosin mia yonoaino miqui shafatifi fuaifoan min tunutiro ato yoisharashquin. Min ato yoiai cusca unimacatan ato pushu ano nasoshquicaniran, —ishon Jetro ahuun raisi Moisés yoini.

Éxodo 18:25

Ascatan nan ahuun mai anoa Israeli nocofunun mapo sharayafo yafi nan isharamisifo Moisés catonni ato yorafo ato tapimamisi inonfo. Futsafo mil yorafo aton tapimamisi icaino futsafo cien yorafo aton tapimamisi icaino futsafo cincuenta yorafo aton tapimamisi icain futsafo mucu rafuti Israelifo ato tapimamisi Moisés ato catonni nan Diosin ato yoipaiyai cusca ato tapimanonfo.

Deuteronomio 1:9

Nantian un mato yoini isca huaquin, —Nocon Ifo Diosin mato ichapacoin cainmani. Tsoancai fishifo tanan huatioma. Nanscarifiaquin matoricai tsoan mato tanan huatiroma. Ascano urus fusticai un mato niaifo itiroma mato yonoshquin.