Éxodo 13:13 - Sharanahua: Diospan Tsain

¹³ Ascafia maton burropan facu funu iyoa caincun fiishon man chashoanun facu inantiro nan burropan facu funu iyoa mina itiro. Ascano nan chashoanun facu inanpaiyamaquin nan burropan facu iyoa tusho tutucuancahuun nanon. Ascatari maton furun iyoafofohuunshon nocon Ifo Diosi chashoanun facu funu iyoa rutushocahuun nan maton facu numa cusca ismashcaquin.

Éxodo 13:13 Referans Kwoze

Apocalipsis 14:4

Nan 144,000 yorafoan nocon Ifo Jesús nan chashoan facu cuscara tanacoinmisifo. Chaca shinantamarocon Jesushuunoa shinanfafaimisifo. Afin ato numani ato nashonishaquin Apa Diosin yorafo non ahuun yorafori inon. Ato catoan ahuun yorafo icaino ato yoia cuscan anonfo. Nanfoancaiyainfoqui chaca huamisima. Jesús caiquiri afu foanfafainmisifo.

Éxodo 12:21

Nannori nicatan Moisés Israeli niaifofo ichanan huani ato yoiquin isca huani, —Natian maton yorafo ano fotacahuun nan chashoanun facu cahuashara catoncahuun rutushquin. Ascashon nocon Ifo Diosin noco finonmanaitiancai noco facu iyoafofo namashquima.

Éxodo 12:3

Nantifi min caifo nan Israeli pushuyafotiton aton apafoan na oshu mucu rafuti osha finontan chashoanun facushta iyamarai cabra uhuapamamishti man fipatiro.

Éxodo 13:2

—Nantifi Israelifo maton furun iyoafofo uhuuna ishquin. Ascacun man ato tapimatiro un ato amapaiyai cusca anonfo. Maton inapan facu iyoafofori uhuuna iishquiran, —ishon nocon Ifo Diosin yoini.