Éxodo 12:6 - Sharanahua: Diospan Tsain

⁶ Ascatan nan ina facumishti cushusharacahuun. Ascan nan oshu nushmancayan rafu nuuano nan shafatan fari caino nantifi min non min caifofoanri maton inapan facu rutucahuun.

Éxodo 12:6 Referans Kwoze

Éxodo 12:18

Nan na oshu nushmancayan rafu tau huaquin misi farashati maisi pifain nan dia catorce fari cai chain nan oshuri dia veintiuno shafata man faricaino misi farashati maisi picahuun.

Hechos 4:27

Nanscarifi atan nan niaifo rafu Herodes yafi Poncio Pilaton Israeliyamafiashu nocon caifo Israelifo fu ichanaintafo min Furun nan min oinmati Jesús min catonni chaca huashcaquin.

Éxodo 16:12

—Uqui tsain chaca huaifo cuscan mun nican. Nan uhuun tsain ato yoihuu isca huaquin, “Na yatapacu un mato nami inain. Ascashon funamari un mato misi inain. Piashu man mayan sharanon. Ascano man tapishquin unfin mato Ifo Diosiquin,” ishon nannori ato yoihuun, —ishon Moisés ato yononi.

Lucas 23:1

Ascatan Israeli niaifofoan Jesús aton niaifocoin shinanmaqui iyonifo. Nan Pilato niaifofin Romanonfoan ato niaifo iniquin.

Marcos 15:25

Man fari nai pochinin racano mastanifoquin.

Marcos 15:11

Israelifoan aton niaifofo nannosi ichanannifo ato shinanchacamapaicani. —“Jesús noco caimashotama Barrabás noco caimashohuun,” ishon Pilato yoicahuun, —ishon niaifofoan yorafo yononi.

Marcos 15:8

Ascatan man Jesús achiafono Israelifoan Pilato yoicaquin, —Min noco faritifi fuusititian ashopaoni cuscan afanan noco huashohuun. Afanan cunu muran iquia futsan noco caimashohuun, —huanifo.

Marcos 15:1

Ascano shafa acuaino nocon yorahuunshon Dios cufimisi niaifofo yafi Moisés cununi cuscan tapimamisifo Dios fu tsainti pushu cushumisifo fu ichanancashon shinanpainifo, —¿Ahuuscashomain non Jesús rutumaicai? Nan Pilato Romanonfoan aton niaifon ahuun mai arishon nocoqui nichini nocon niaifo inon. Non Pilato ano Jesús iyoicanon, —icashu yoinannifo. Ascatan munushcashon Pilato ano iyonifo.

Mateo 27:25

Nantififain cumanifo, —Nanscanon. A nai nocohuun nuunonquin. Nocon facufohuunri nuunon, —ishon yoinifo.

Mateo 27:20

Ascafiacun nocon yorafohuunshon Dios cufimisi niaifofo yafi Dios fu tsainti pushu cushumisifoan nanno ichananfo ato yosiquin isca huanifo, —Jesús noco cainmashotamarocon Barrabás noco cainmashohuun. Ascashon Jesús rutuhuu ishon Pilato yoicahuun, —ishon ato yononifo.

Hechos 3:14

Jesuscai ahua chaca huamisima. Sharacoinfiacun mancai caimapaitama. “Jesuscai caimatamarocon rutumitsamisi Barrabás caimahuun,” man iquita.

Hechos 2:23

Ascafia Upa Diosin inon pacoai cuscan shinanni cuscan mato ahuun Furun inanni man rutunon. Manfin nocofunu chacafo futan ihui coyan iquinanqui mastaitaqui nanon.

Éxodo 12:14

Ascacun nan faritifi nan shafan nocoaino man shinantiro. Maton fusiti shafa icaitian un mato finonmani cusca man shinantiro. Ascashon uhuunnoa shinanquin nan shafatan unimayanan man pitiro. Ascano maton funafoanri faritifi un mato shara huani cusca shinancanicai uhuunoa ointi aquimapacunacafoma.

Éxodo 12:17

Ascashon nan fusiti shafa man anutiro misi farashati maisiran man huatiro. Nan shafatafin maton yorafo un Egipcio mai anoshon un yoiyoni cusca un ato iyoshquicain. Ascanofin nan shafa man shinantiroquin. Maton funafoanri nan faritifi nan fusiti shafa unimayanan un mato finonmana cusca shinanpacunacafoquin.

Éxodo 12:47

Nantifi maton caifo Israelifo fusiaitiancai tsoanshta raqui cayotiroma fusishquima.

Éxodo 16:1

Ascano nantifi Israelifo Egipcio mai anoashu foafotian oshu fusti finoanno Elim anoashu tsoa istaipama mainfin uhuapacoin ano noconifo. Ascashon nannoshon anunifo Sin. Nan Sin Elim chaimashta nan nushmancayan rafu Sinain ini.

Éxodo 19:1

Ascano Israelifo Egipcio mai anoashu fonifo oshu rafu non fusti finoin focani. Nantian tsoan istaipama ano noconifo. Ascashon nanno anunifo Sinaíran huanifo.