Éxodo 12:41 - Sharanahua: Diospan Tsain

⁴¹ Nan cuatrocientos treinta fari cuyoano nan shafatacoin Diosin ahuun yora nan Israelifo Egipciofo mai anoshon ato nichini.

Éxodo 12:41 Referans Kwoze

Hechos 1:7

—Ahuutian iquimancai mancai tapitiroma. Nocon Upa Diosin fustiton yonotiro ahuutianmain ishquicain.

Juan 7:8

Ascacun natian fusitacahuun Jerusalén ano fotacahuun. Ucai cayoataima. Uhuun Upa Diosin ua nichiataimaran, —ishon Jesús ahuun ushtofo yoini.

Josué 5:14

—¡Ma! Un mato fu iyamacain nan mato noicasmaifo fucai un icama. Unfin Ifo Diosin ahuun oinmatifoan nai murannoa aton niaifoquin, —ishon yoini. Nan nicatan Josué maiqui fuoshopacuni ahuunoa shinansharaiton yoini. —Mian yonopaiyai cuscan un mia ashoriscatiro. ¿Ahua mian yonopaimun? —ishon yocaiton.

Éxodo 12:51

Nan shafatafin nocon Ifo Diosin nantifi Israelifo nan manifoti Egipcio mai anoshon ato iyoniquin.

Éxodo 12:17

Ascashon nan fusiti shafa man anutiro misi farashati maisiran man huatiro. Nan shafatafin maton yorafo un Egipcio mai anoshon un yoiyoni cusca un ato iyoshquicain. Ascanofin nan shafa man shinantiroquin. Maton funafoanri nan faritifi nan fusiti shafa unimayanan un mato finonmana cusca shinanpacunacafoquin.

Éxodo 7:4

Un asca huafiacai mia nicashquima. Ascaino un Faraón yafi nantifi ahuun yorafo nan Egipciofo onaintimacoinshquin omitsiscanonfo. Ascan ahuun unutaqui uhuun yorafo Israelifo manifoti un ato Egipcio mai anoshon iyoshquin.

Éxodo 3:10

Natian ato ari catahuun. Un mia Egipciofoan aton niaifo Faraonqui mia nichi uhuun yorafo nan Israelifo Egipcio mai anoshon min ato iyotanon, —ishon Diosin Moisés yoini.

Hechos 7:36

Nanno Dioshuunshon ahuarashta tsoan oinyomisima shara ato ismani yoran atiroma cuscan ato ismani. Unuhuan ahuun anu oshin anori tsoan atiroma cuscan Dioshuunshon ato ismani. Tsoan istaipamashon nanscasi huapaoni.

Éxodo 3:8

Unfin nai murannoashu fotoaquin ato numashquin. Unfin Egipcio mai anoshon ato nichicain nan mai uhuapa fasi sharacoin ano un ato iyoi cai. Nannofin nantifi yono foaisharacain tushu sharacoinfo futsa futsatapafo icain fona ichaparasiquin. Nan unu afatiro cusca nanscarifi ai nan fona ayati sharacoin afain. Nantianri nanno Cananeofo non Hititafo non Amorreofo non Ferezeofo non Heveofo non Jebuseofo non afo icafoquin.

Éxodo 6:6

Ascacun min caifo Israelifo ua ato yoishohuun isca huaquin, “Unquian mato Ifo Diosin. Unfin Egipciofo uhuun yono ismaicai. Un ahuamamishti huatiro cuscafin man oincain. Nantiancai afanan man curushcai yonoima. Afananricai tsoa aton yonomatifo iquima. Unfin mato numaicai. Ascashon Egipciofo un ato onaintimacoin uhuun curushhuunshon man ato mai anoshon un mato nichishquin.

Génesis 50:24

Ascan José ahuun ochifo non ushtori cunani aqui funonfo. Aqui fuaifoan ato yoini isca huaquin, —Un samamashta nai. Ascafia nocon Upa Diosin mato cushusharashquin. Nocon shuni Abraham non nocon shota Isaac non nocon upa Jacob mai futsa ato inain atona non nocona non nocon funanafori inon. Diosin yoini, “Unfin Diosin un ahuamamishti huatiro. Ascacun man ua icoinra huatiro un mato mai inain matona non mato funafo atonari iishquinran,” ishon Diosin ato yoini. Ascacun man icoinra huatiro Diosin mato cushusharaino chipo nocon funafo nuno Egipcio anoashu Upa Diosin nan mai shara ano ato iyoi.

Éxodo 6:26

Ascano nocon Ifo Diosin nan rafu Aarón yafi Moisés catonni. Ascashon ato yoiquin isca huani, —Israelifo nantifi mani futsafo Egipcio mai anoshon ato iyotacahuun, —ishon Diosin ato yononi.

Éxodo 13:3

Nannori nicatan Moisés ahuun caifo yoini isca huaquin, —Nocon Ifo Diosin ahuun curushhuunshon mato Egipcio mai arishon ihuua afanan Egipciofoan aton yonomatifo man inonma. Ascacun nan noco ihuua shafa nocoaitian faritifi nan shinancahuun. Ointiaquimayamacahuun. Nan shafatafin nocon fusiti shafa ipanacaquin. Nan shafatan misi farashatiya piyamacahuun.

Éxodo 13:9

Ascaino maton mucu non maton fumananquiri cunui cafiscai nocon Ifo Diosin mato yonoa cusca shinanfain ahuun curushhuunshon mato Egipcio mai anoshon iyoni cuscacai man ointiaquimapacunonma. Nanfohuunoa yoinonancahuun.

Éxodo 13:14

Chipo ua nocon Ifo Diosin mato yonoa cusca man aino maton facufoan oincashon mato yocaquin isca huai, “¿Ahuuscai nocon fusiti shafa nocoano man iscatiromun?” ishon mato yocaifoan man ato yoitiro isca huaquin, “Nocon Ifo Diosin ahuun curushhuunshon noco Egipcio mai arishon ihuuni. Non Egipcio mai ano fari ichapacoin Egipciofoan noco curushcain yonopaoni. Non ato yonomatifo icaitian non fasi omitsiscapaoni. Ascano nocon Ifo Diosin ahuun curushhuunshon noco Egipcio mai arishon ihuuni.

Éxodo 13:16

Ascacufin nan fusiti shafa nocon onanti cuscaran itiroquin. Maton mucu iyamarai maton fumananqui man cunui futsucun mato onantiro. Nanscarifiaquin nan fusiti shafahuunoa man shinantiro nocon Ifo Diosin ahuun curushhuunshon noco Egipcio mai anoshon iyoni. Nan fusiti shafahuunoa Diosin noco ashoni cusca non ointiaquimapacunacama. Nantifi manifoti anoafoan tapitiro non Diospan yorafocun, —ishon Moisés yoini.

Deuteronomio 4:37

Maton shunifo fasi noicoinquin matorifi shara huashomisi. Aafin ahuun curushhuunshon mato Egipcio mai arishon mato ihuuni.

Josué 24:5

“Ascano un Moisés yafi Aarón atoqui nichini. Nantian un Egipciofo omitsisca huashon un mato Egipcio mai arishon ihuuni.