Éxodo 12:40 - Sharanahua: Diospan Tsain

⁴⁰ Ascano Israelifo cuatrocientos treinta fari Egipcio mai ano iyopaonifo.

Éxodo 12:40 Referans Kwoze

Génesis 15:13

Ascatan Ifo Diosin yoini, —Abram, un mia yoi min tapifain min ua icoinra huanon. Min funafo mai futsa ano iyoshcani. Nan mai futsa anoafoan aton yonomatifo iishquicani. Cuatro cientos farin ato yonomaqui fasi omitsiscamashcani.

Hechos 7:6

Yoiari “Min funafo yora futsafoan mai ano iishquicaniquin. Aton maima ano iishquicaniquin. Nanno cuatro ciento fari aton yonomisifo iishquicani. Ato fasi curushcai yonomashcaquin. Fasi omitsiscashcani.

Hechos 13:17

Nonfin Israelifoquin. Upa Diosin nocon shunifo catonni ahuun yorafo inonfo. Egipto ano iyoshon ato shara huani. Ahuun curushhuunshon Egipto anoshon ato iyoni.

Hebreos 11:9

Ascashon nan Diosin yoiyotiani cuscacoin icoinra huashu nan Diosin nichian mai ano nocoashu Abraham nan mai futsa aria yora futsa ahuun caifo cuscarama iyopaoni. Nannoashuri pano pushu tapasi cuscara muran iyopaoni. Ascan ahuun facu Isaac yafi ahuun shota Jacoborifi nanscara muran iyopaonifo. Upa Diosin Abraham yoini cuscan nan rafu nannoricoini ato yoini.

Génesis 15:16

Min facufo yafi min shotafo ahuun facufori nuno mai ano nasoshquicani. Mai futsa anoashu fuushcani min nuno icano nan min funafoan ahuun mairi nuno iishquin. Ascano nantia nan Amorreofo fasi chacafo nuno min mai ano iishcani. Ascacun min funafohuunshon nan Amorreofo un ato onaintimashquiran, —ishon nocon Ifo Diosin Abram yoini.

Éxodo 3:10

Natian ato ari catahuun. Un mia Egipciofoan aton niaifo Faraonqui mia nichi uhuun yorafo nan Israelifo Egipcio mai anoshon min ato iyotanon, —ishon Diosin Moisés yoini.