Efesios 1:5 - Sharanahua: Diospan Tsain

⁵ Nocohuun noicoinquin afin apaiyai cuscan noco huani Jesucristohuunoashu norifi non ahuun facufo inon. Nanscara afi fuchipaiyoni.

Efesios 1:5 Referans Kwoze

Efesios 1:11

Cristohuunshon Upa Diosin nocorifi catonni non ahuun yorafo inon. Nannori nocohuunoa shinanyoni. Afi apaiyai cuscacoin huashquin.

1 Juan 3:1

Upa Diosin nocohuun fasi noicoin. Nocohuun shinansharamisi. Ascanshon noco yoiquin isca huatiro, —Manfin uhuun facufoquin, —ishon yoitiro. ¡Aicho! Shinancapon. Iconcoin nonfin Diospan facufoquin. Ascafiashon icoinra huacoinyamashon Upa Dios onanmisifoma. Ascan non Diospan facufofiacun tapiafoma.

Juan 1:12

Asca huafiainfoanno, nan noiaifoan icoinra huanifo. Ascaiton ato yoini isca huaquin, —Man ua icoinra huaashu Upa Diosin Facu man itiroran, —ishon ato yoini.

Romanos 8:23

Norifi non Diospan facufo ahuun Yoshin Shara no fu rafuaino non tapitiro non chipo Dios fu isharatirofiashu natian non isinin itiro pashapaicain. Ascaquin non manasharatiro Upa Diosin icano noco ihuinon non ahuun facufocun a cuscara shara noco imanon. Natianri nocon caya funa sharacoin afanan isinin iyamacain nonricai afanan natiroma.

Gálatas 3:26

Natian nantifi Jesús icoinra huafo Diospan facufo.

2 Corintios 6:18

Ascatan un maton Upa inon. Man uhuun facu nocofunufo yafi ainfofo inon,” ishon nocon Ifo Diosin yoini. Nan onihuafoti ato iquinaquin.

Apocalipsis 21:7

Tsoan ua cachiquiri huatamarocon nan naitian ua tanasharacun nantonacaifin nantifi un mia yoia cuscan ahuunari iishquiquin. Naanfin un cashman inanshquin. Unfin ahuun Dios iishquin. Aafin uhuun facu iishquin.

Efesios 1:9

Ascano Upa Diosin afi apaiyai cuscacai tsoa tapimayonima. Ascafia noco tapimana nocohuun ramapaiquin nocoqui Cristo nichini. Ascano Upa Diosin afi shinanyoni cuscan Furun Cristo nan nichipaiyaitian afanan nichishquin nantifi ahuun yorafo nai murannoafo yafi mai anoafori ato ichanan huashquin Cristo arus fusti aton Ifo inon.

Juan 11:52

Jesuscai nocon caifo fustihuunoashu naimafinquin. Nantifi manifotichin icoinra huafohuunoashufin noco naashoshquiquin. Ascano nantifi Diosin facu inonfo. Noinancoincani. Nan yora fusti cuscara ishcaquin.

2 Tesalonicenses 1:11

Ascacufin non mato cufishoquin isca huafafaini, —Upa Diosin min ato imapaiyai cuscan ato imahuu. Mia icoinra huashon futsafori shara huapaiyaifo cuscan min curush ato inanhuun, —ishon Upa Dios un nantishon tapiquin mato cufishomisi.

Lucas 10:21

Ascano ato yoiqui anaititan Diosin Yoshin Sharahuunoashu unimacoinquin Apa Dios yoiquin isca huani, —Upa Diosin, min fasi sharacoin. Nantifi nai murannoafo futan mai anoafoan aton Ifofin minquin. Ascano nan mapo sharayafo yafi cunu tapiafocai min tsain shara min ato tapimanama. Ascafia nan cunu tapisharafoma nan facu cuscarafoqui. Ascashon nanfoan un ato isma cuscan yafi un ato yoiai cuscan ua icoinra huafo. Nanfofin min ato tapimanaquin. Icon, Upan, minfin nanscara fuchipaiquin, —ishon apa yoini.

1 Corintios 1:21

Tsoanshtacai aton shinanpan Dios onantirofoma. Diosin fustitofin nantifi tapisharacoianquin. Icoinra huamafoan yoiquin isca huafo, —Jesús icoinra huafoan ahuunoa yoiafo fasi amaquiriran, —ishon yoifiafo Diosin nocon chaca soashona non afu nipanon nonfin icoinra huaicai.

Juan 20:17

—Ua muyamaquin. Uhuun Upari un cataimacai. Ascan ua muquima. Uhuun yorafo ua ato yoishotacahuun isca huaquin, “Uhuun Upa ari un caicain. Nan uhuun Uparifi maton Upaquin. Nan uhuun Diosifin mato Diosiquin,” ato huatahuun, —huani.

Daniel 4:35

Nantofin nantifi yorafo finoncoianquin. Nan manifoticai ahuuna ahuama. Nantifi nai murannoafo a fu icafo non mai ano icafori Ifo Diosin ato amapaiyai cuscan atiroquin. Nanto apaiyai cuscancai tsoan ahua shatumatiroma. Tsoancai yoitiroma isca huaquin, “¿Ahuuscai min asca huaimun?” ishoncai tsoan yoitiroma.

Mateo 11:26

Icon, Upan, minfin nanscara fuchipaiaqui, —ishon apa yoini.

Lucas 11:32

Nanscarifi huaquin Diosin nantifi yorafo ichanan huaitian ato yoi pacushquin ratofomain afu ipatiro iyamarai omitsiscapanacafo muran foshcaniquin. Nantian Nínive ano ipaonifoan matohuunoa yoishcani isca huaquin, “Jonás noco Diosin tsain yoiai cuscan nicacoinshon non nocon chaca shatucoinfain non Dios icoinra huani. Asca man manfin Diospan furucoin nicafiashocai maton chaca man shatupainimaran,” ishon mato yoishcani. Nan icon un Jonás finonfiacucai man ua nicapaimisima.

Filipenses 2:13

Diosin maton nomuran mato shinansharamafafaini mato amapaiyai cuscan man anon. Afin apaiyai cuscan huafain matorifi nannori shinanmatiro.

1 Corintios 1:1

Uhuun yoramishtichin un mato cunu fomai. No futan Jesús tanamisi Sóstenes u futan mato cunu fomai. Upan Diosin ua catonpaiquin ua catonni Jesucristo fu rafunon ahuun tsain Jesucristohuunoa un yoifoanfafainon. Ascan Jesucristo ua nichini un ahuun tsain shara nantifi manifoti un ato yoifoanfafainon. Corinto anoafoan manfin Diospan yorafoquin. Man ichananfafainmisi Diospan tsain tapisharashquin. Diosin mato catonni Jesucristohuunoashu man ahuun yora sharafo inon. Ascacun un mato cunu fomai. Mato fustisima un futsafori cunushoni. Nocon Ifo Jesucristo Ifo huacun un atorifi na cunu un ato tapimapai. Nan nocon Ifofin aton Iforiquin.

Mateo 1:25

Fiifiashocai afu ipaonima furun caiyain chain. Ascashu furun caincun José anuqui Jesusran huani.

Lucas 12:32

Ascano uhuun yorafoan ratuyamacahuun. Maton Upa Diosin mato cushushara. Nantifi ahuuna matori inain. Unimacai mato inanshquin.

Hechos 13:48

Nicacani Israelifoma fasi unimanifo. —¡Aicho! Nocon Ifoan ahuun tsain fasi shararan, —inifo. Tsoan Upa Diosin catoan afu nipashquin icoinra huanifo.

Colosenses 1:19

Ascacun Upan Diosin yoiquin isca huani, —Un imisi cuscacoin nanscarifi uhuun facu imisiquin. Ascashu arifi ufu Dioscoin. Nonfin nanscara rafuquin, —ishon unimacain Upa Diosin yoini.

Hebreos 2:4

Ascatari nanfohuunshon Upa Diosin futsafo ato ismani nanfoan yoinifo cuscan icocoincun. Ascashon tsoan oinyomisifoma cuscara isinincai futsa futsatapafo ahuun curushhuunshon ato caya huapacuni. Ahuun Yoshin Sharapanrifi nanfo ato tapimani yonoshononfo. Ascashon afin ato catonpacuni ahuun yono futsa futsa huaquin yonoshononfo. Ratoranfo catonpai afin ato catonniquin ahuun yono anonfo.