Daniel 10:13 - Sharanahua: Diospan Tsain

¹³ Ascan un oaiton yoshin chacafoan aton niaifo Persia mai ano yonomisiton ua veintiun osha ua nitu hua. Ascan Ifo Diosin ahuun oinmati futsan nai muran a fu icaton ahuun anu Miguel uqui nichia. Nanton Diosi oinmati futsafo nan nai muran icafo aton niaifo. Nanton u futan acaino afanan nan yoshin chacanun ua nitun huama.

Daniel 10:13 Referans Kwoze

Judas 1:9

Ascashon nai muran icafo Diospan oinmati niaifo patashari ahuun anu Miguel nantocai chaca huaifo cuscan asca huamisima. Ascashu Satanás fu fochishmanantananni Moisés naitian Satanás Miguel nitun huapaini Moisés ahuun caya mai huanonma. Ascafiacai Miguelcai nan Satanás roanima. Roatamarocon yoini isca huaquin, —Nocon Ifoan mia asca huairan, —ishon yoini.

Daniel 12:1

Ascan natian Diospan oinmati ahuun anu Miguel a fu nai muran imisi nanton min yorafo Israelifoya mato numai oi. Nantianri mai anoafo fasi omitsiscashcani. Ascan nan mai oni huamisi chain tsoanshtacai omitsiscamisima nan omitsiscashquiain cuscan. Ascafia min yorafo ratomain aton anu Diospan ahuun libro muran cunuaquin nanfofin Diosin ato numashquiquin tsoa omitsiscanonfoma.

Apocalipsis 12:7

Ascashori un mato tapimai ahuuscashomain nai muranshon nan yoshin chaca Satanás famanhuan ointsaton nocon Ifo Diosin finonpaiquin. Ascaiton Upa Diosin ahuun oinmati afu nai muran icafoan aton niaifo ahuun anu Miguel Diosin nichian. Satanás yafi yoshin chacafo Miguel ahuun oinmatifoya potananpainifo.

1 Pedro 3:22

Ascan natian Criston Apa fu ica niaifocoin ipashquin. Tsoashtacai finontiroma. Ahuun oinmati afu nai muran icafo non nantifi yoshinfo non aton niaifofori nantifi ato yoiai cuscan aashcaniquin.

1 Tesalonicenses 2:18

Un mato ari fasi capaicacaifiain Satanás noco catima huamisi.

Colosenses 2:10

Aafin nantifiton aton niaifocoinquin. Nantifi niaifofo yafi yoshinfori ato finoncoian. Ascashon ato iquimisi. Ascacufin man Jesús fu rafushocai man ahua futsa yopaima. Nan isharamisi cuscan marifi man nanscatiro.

Efesios 6:12

Non Jesús tanasharaitocai yorafoan noco unumatiroma. Ascatama nan yoshin chaca Satanás yafi yoshin chaca futsafoanri noco curushcain chaca huamapai. Nanfo non oinyamafiatiro noco asca huapaifafaini. Nanfoan icoinra huafoma yonofafaini chaca huanonfo. Nan yoshin chaca ichapafoan.