Apocalipsis 8:5 - Sharanahua: Diospan Tsain

⁵ Ascacun Upa Diosin man itishara huaa maifoti anoafo nan icoinra huafoma ato onaintimashqui. Ascashon ahuun oinmati yonoa afanan paran uhuapamashtanun cufiti sapa muran chi fospi huanon. Fospi huatan nai muranshon mai ano man pota. Ascaino mai ano fasi curushcai turuica achacoin nicafain canan piishicain mai nayanaiyaica.

Apocalipsis 8:5 Referans Kwoze

Apocalipsis 11:19

Ascaino Diosin icaria Dios fu tsainti pushu fupucuaiton un oian. Nan Upa Diosin Israelifo yononi cuscan cunuacua cashon muran nanuaiton un oiainno canan facaicain nai turuica curushcoin icain mai nayanaiyaicain unu matsi tocorofo nai murannoashu mai ano pacui.

Apocalipsis 4:5

Ascatan nocon Ifo tsaoano canan facaiqui ointsa icain turuica nicatsari un nica. Nanscara nicaquin non tapitiro Diosin ahuamamishti huatiro. Tsoa futsacai ahuun curush cuscarama. Ascatan nan Upa Diosin tsaoano siete lamparina uruaiton un oian. Nanfo uruai cuscan huaquin Diosin Yoshin Sharapan nan siete icoinra huafo ichananti pushufoti murannoafoan futsafo tapimafain oinmatirofo ahuu cuscaramain Diosiqui arifi tapinonfo.

Hechos 16:26

Ascatanaino fasicoin mai nayanaiyainacahuani. Ascaino a cunu ahuun quishifo tsucu tsucusini. Ascatanaino cunu fupotifo afincoin fupucui futsuni. Ascatapaiyaino cunopan ato munushafo afincoin oshoriquitan mushorimuni.

Apocalipsis 11:13

Fotapaiyaifoanno mai ano fasi curushcain naiyanaiyaishquin. Ascaino atirifi pushu Jerusalén anoafo maocomushquiai cuscan un oinyoa. Ascaino siete mil yorafo man naafo. Nan tushuafo fasi ratucoianfo, —Shinancapon. Upa Diosin nai muran icaton ahuamamishti huatiroran, —icashu yoinanshcani.

Apocalipsis 6:12

Ascatan Jesús nan chashoan facu cuscaraton afanan nan cunu tashna huamua futsari fupuaiton un oian. Fasi curushcai mai nayanaiyaicain farin afanan chashayamaino nan sahuuti cushto fisopaton fupoa cuscara faquishcoin icain oshu oshicoin imi ointsa icain.

Hechos 4:31

Cuficatan ichananfono mai naiyanaiyaini. Ascatan nantifi nanno Diospan Yoshin Sharapan ato iquini ahuun tsain cayacafi ranotama yoinifo.

Lucas 12:49

Un nantifi manifotifi chaca shatumani yoi un oa. Atirififoan ua icoinra huaifoanno futsafoan ua icoinra huacanima. Nan icoinra huamafo Diosin ato onaintimai. Uhuun Upa Diosin ua mai ano yonomai cuscan natian cuyoa shara icuana.

Mateo 24:7

Mai futsa ariafo fu futsafo ya rutunainfoanno mani futsafori mani futsafo ya rutunanshquicani. Ascaino mai futsafoanri yora tushuomafo icaifoanno. Mai futsafo ari fasi mai nayanaiyaishquin.

Éxodo 19:16

Nan osha rafu finoanno iyoconaino nan funamarishta fasi turui furanfafaintan fasi cana piishi furanfafaini. Ascano nai coinmanhuan murannoashu Upa Diosin machi mamaqui fotoni. Nantianri manuti nai murannoashu achacoin manuni chaan chaan iquin fasi isininpatanaino nantifi Israelifo taritaricani ratucoinnifo.

Apocalipsis 8:3

Ascaino Diospan oinmati futsan paran uhuapamashta oro faca facaitsa tsomashu Upa Dios cufiti ano nia un oian. Nan paran uhuapamashtanun ahuara inin shara coaino fia. Ascan nantifi Diospan yorafoan cufimisifo cuscan osishon Dios cufiti camaqui huaa. Nannori chaima Diosin tsaoa.