Apocalipsis 18:21 - Sharanahua: Diospan Tsain

²¹ Ascatan Upa Diosin ahuun oinmati afu nai muran icaton futsan mutsisipacoin toquiri uhuapacoin finifoantan unuhuan muran potaquin yoia isca huaquin, “Un na toquiri curushcai pota cuscan nanscarifiai Upa Diosin nan pushurasi anoafo Babilonia curushcai ato onaintimashqui coi munononfo. Cuyoriscatashquin afanan tsoan oinnacama.

Apocalipsis 18:21 Referans Kwoze

Apocalipsis 5:2

Ascashon un oian Diosin oinmati mutsisipacoin nan afu nai muran ica. Nantori oi ashcafinin cunaquin isca huaa, —Na cunu non oinpai. Ascan chaca huamisima fustiton na tashna huatifo fuputiro na cunu non oinon. ¿Ascan tsoan chaca huamisimamun na cunu ahuun tashna huatifo noco fupushona non oinon? —ishon oi ashcafinin yoia.

Apocalipsis 20:11

Ascatan tsaoti oshopa uhuapacoin un oian. Nanno Upa Diosin tsaoan. Ahuunoashu nantifi mai anoafo non nai murannoari cuyoi futsui. Ascashu nantifi yorafo nai futsui. Diosiqui onupaifiai tsoan onutiroma.

Apocalipsis 18:22

Ascan afanan Babilonia ano manutifo nan shainti non manuti futsafori pusicanima. Tsoancai afanan ato nicanacama. Yonomisi afanan ano iyamacain afanan naniainfo nicayamafain

Apocalipsis 16:20

Nantianri unu potofotin yamariscatashquin ano icafori nai futsuafo. Nantifi machifotiri yamariscatashquin.

Apocalipsis 12:8

Ascafia Miguel futan Diospan oinmatifoan Satanás yafi ahuun yoshin chacafo ato finoncoinnifo. Ascashon nai arishon ato potapacuni afanan ari inonfoma.

Apocalipsis 18:10

Nanfo coaino oincani niaifofo fasi ratushquicani. “¡Ohuashta! Babiloniafoan rato caifo futsancai mato cuscarama. Man tapicoinsharafiacun samamashta Upa Diosin mato onaintimai man coi futsunon. ¡Ai timafin!” ishon ratucoincaquin niaifofoan yoishquicani.

Apocalipsis 10:1

Ascatan un oian Diosin ahuun oinmati afu ica futsa mutsisipacoin nai murannoashu fotoaiton. Coin camaqui fotoaiton ahuun caya un oian iscara. Maiti nanhuanfai ointsa maia. Ahuun fuso fasi chashacoian fari ointsa. Ahuun quishi rafu chi ointsari.

Salmos 37:36

Ascafiashu samamashta man naani. Afanan natian yamai. Nan funafiaquicai tsoan fuchitiroma.

Éxodo 15:5

Ununhuanun man ato fupoa. Ahuun noamuran nan toquiri unu muran pacutiro cusca man nantifi unu noa muran iqui futsuafo ica.