3 Juan 1:4 - Sharanahua: Diospan Tsain

⁴ Uhuun facufoan Jesús tanacoiainton nicai un unimacoinni. Ahua futsancai ua unimamaquin ascacai huatiroma.

3 Juan 1:4 Referans Kwoze

Gálatas 4:19

Uhuun facufoan un fasi mato shinancoin. Ascacun un mato tapimai. Ainfo facu caiantaima isin muyotiro. Ahuun facu caishocai afanan isin mutiroma. Unimai. Nanscarifi aquin man Cristo tanasharacoinyamaiton un matohuunshon isin mutiro. Criston ahuun Yoshin Shara maton nomuran man nanucoianno afanancai un matohuunshon isin mutiroma.

1 Timoteo 1:2

Ascano un mia Jesucristohuunoa yoiaiton min icoinra huani. Ascacun min icoinra huahuunshon min uhuun facu cuscaracoin. Un mihuun fasi noi. Nocon Upa Diosin futan nocon Ifo Cristo Jesús mia noiquin mia cushusharafain mihuunrifi ramapaia. Ascashon min ointi mia main huamanon.

Filemón 1:10

Ascacun un mia Onesimohuunoa yocai. Nanrifi uhuun facucoin cuscaraquin. Un nuno cunu muranshon un Onésimo Jesús icoinra huamani. Ascashon natian Jesushuunoashu un ahuun upa cuscara.

2 Corintios 6:13

Nanscacun un mato yoi. Manfin uhuun facu cuscaracoinfoquin. Ascacun uqui ointi mutoyamacapun. Un mato noiai cuscan uari noicapun.

1 Tesalonicenses 2:11

Apan ahuun facufo noicoinquin ato yoisharatiro isharanonfo. Nanscarifi aquin un mato yoisharapaoni man isharacain maton ointi man unimanon. Ascashon Upa Diosin mato imapaiyai cuscan a cuscara man inon. Nantorifi mato catonni afu man Jesús cuscara shara ipanon.

1 Juan 2:1

Uhuun yora mishtichin, un mato cunushoni man oinshon ahua chaca huanonma. Ascafia ahuara non chaca huacun Jesucristo apa noco yoishotiro nocon chaca soanon. Yoiquin isca huatiro, —Upa, un ato nashoniquin. Aton chaca soashohuun, —Apa huatiro. Atoncai ahua chaca huamisima. Afin shafacafi icaquin. Ascan Apa Dios noco yoishotiro nocon chaca soashonon.

2 Juan 1:4

Upa Diosin noco yononi ahuun tsain iconcoin tanasharanonfo. Atirifi Upan yononi cuscan aiton nicai un fasi unimai.