2 Samuel 5:7 - Sharanahua: Diospan Tsain

⁷ Ascafiaino David ahuun ranushumuafoya Jerusalén pushu rasi muran iquini. Ahuun anu futsa Sión. Iquifainnaifoan Jebuseofo ato potani Israelifona inon. Chipo nan pushu rasi anu futsa tuqui huani Davidnaran ishon anunifo.

2 Samuel 5:7 Referans Kwoze

Apocalipsis 14:1

Ascatan uhuun namapan ointsa ua oinmana cuscan afanan mato tapimai. Chashoan facu cuscara nan Jesús machi ahuun anu Sión ano nia un oian. Nanno 144,000 ahuun yorafo afu nia. Ahuun anu yafi Apa Diosin ahuun anuri aton fumananqui cunua.

Hebreos 12:22

Ascafia mancai Dios fu tsainpai na machi Sinaí ano man oima. Ascatama nan machi Sión ano man cai. Nan Jerusalén futsa Dios icari. Ascan nan Diosin ipamisi. Nannoashu ahuun oinmati afu nai muran imisifo ichanancashon Dios shararan huafafaincani. Nan ahuun oinmatifocai tsoan ato tanan huatiroma fasi ichapacoinfo.

Romanos 9:33

Nanscarifi aquin Jesús finonpaiyaifoancai icoinra huacanima nipashcaquin. Nannori inonpacoai cuscan Isaías Diospan tsain cunuyoni isca huaquin, “Un Israelifo aton fai naqui toquirininhuan ratain. Ahuunoashu yorafo pacunonfo,” ishon cununi. “Nanscarifi aquin Upa Diosin Jesús Israelifoqui nichini tsoan icoinra huayamashu funocoincani nipashcaquima,” ishon cununi isca huaquin, “Ascafia tsoan icoinra huacoinshon shinanchacanacamaran,” ishon Diospan tsain Isaías cununi.

Salmos 51:18

Ascan min fuchipaiyai cuscan Sión pushu rasi anoafo ato cushusharahuu isharanonfo. Nan Sión ahuun anu futsafin Jerusalén. Ahuun cunu cuyacoin pushu huanrasi tarati huayacunafoanno curushu shara huahuu afanan noco noicasmaifo iquinonfoma.

Salmos 2:6

Ascacun Ifo Diosin yoia, —Un niaifocoin catonni Jerusalén ano nantifi ato iquinon. Unfin Jerusalén catoanquin nanno iishquin. Nan un Jerusalén machi ano icainofin fasi sharaquin.

2 Samuel 5:9

Ascan nan Jerusalén pushu rasi ano David iquini nanno ahuun pushu huaashquin. Anu futsa caquin pushu rasi Davidnaran ishon anunifo. Ascan nanno David cunu cuyacoin tarati huayacuni nan pushu rasi muran noicasmaifo iquinonfoma.

2 Samuel 5:8

Jerusalén iquiataima nan tsain chaca Jebuseofoan David fomani. Nicashon David ahuun ranushumuafo yoini isca huaquin, —Ato quini unu afain muran iquiyotacahuun nan Jebuseo fushofo non chatofo rutunon. Un ato fasi noicasmaicai, —ishon ato yoini. Asca tau huaquin yoiyomisi cuscan, —Fushofo non chatofo pushu muran iquitiromaran, —ishon cashucaquin yoimisifo.