2 Corintios 8:12 - Sharanahua: Diospan Tsain

¹² Ascacun man ato paratama inanpaifiaiton man Diosin tapia. Man ascaino matoqui unimai man afanan ayashoma man ato inantiroma. Ahuatsi ato inanshquin.

2 Corintios 8:12 Referans Kwoze

2 Corintios 9:7

Nantifiton aton nomuran shinainfo cuscan huafain futsafo inantirofo. Ascashocai yoitiroma isca huaquin, —¡Ohua! Un paratama inanpaiyamafiaiton ua yocariaiton un inain. Ascan un inanyamaino uqui shinanchacatiro. Un inain uhuunoa shinanchacanonfomaran, —ishon anori shinanyamacahuun. Asca huatama unimayanan inancahuun. Nan futsafo unimayanan inanmisi nanfin Diosin fasi ahuun noiquin.

1 Pedro 4:10

Ascan Upa Diosin noco ahuarafo futsa futsa huaquin tapimashara cuscari nan icoinra huaa futsafori non ato shara huashofain non atorifi curafia huanon. Man ascaiton oinquin Upa Diosin ahuun yorafo noicoiain cuscan huafainri man atohuun noicointiro. Ascai unuyamacahuun.

Lucas 16:10

Ratoran futsa ichapama ayafiashon nanshtahuunshon nan icaiti ahuunshon fisharashori ichapayashon nanscarifi huatiro ahuun fisharaquin. Parashquima. Ascan ichapamayafiashon ahuun rafanan fisharashoma parain. Nanscarifi huaqui ichapayafiashon fasi finacaiqui ahuun rafanan fisharashoma paratiro.

2 Corintios 8:11

Man tau huaquin unimacoincain ato inanqui tau huati cuscan natianri unimayanan ato inancahuun afanan yopanonfoma. Man inanpaiyaiti ato inancahuun.

2 Corintios 8:13

Uncai mato isca huaquin yoima, —Ato ichapa inancahuuncai un mato huaima. Nanfocai ayaino man yopaitiro, —ishoncai un mato yoima. Ascan natianfin man ichapayaquin. Ascacun yopaifo man ato inantiroquin. Manracafin chipo yopaicain nanfo ichapayashori mato inantirofo. Man ascaifin mafiranan cushunonansharashu man ascatiroquin tsoa futsa yopanonma.

2 Corintios 8:19

Nan icoinra huafoti ichanancashon nan nocofunu catonnifo no futan nan pui yopaifo non foshonon. Non ato ismapai pui non ato inain cuscan nocon Ifo shararan huanonfo. Non ato shara huapaiyai cuscan tapinonfo.

Mateo 25:17

Nanscarifi aqui nan pui dos mil fiaton afanan dos mil fia.

Mateo 25:22

Ascano nan dos mil pui inanniton arifi yoiqui isca huani, “Niaifon, Mian dos mil pui inanni. Ascafia mun mia natian afanan dos mil fishoan. Ascan oinpon. Naquian,” ishon inanni.