2 Corintios 2:15 - Sharanahua: Diospan Tsain

¹⁵ Upa Diosin nocohuunoa shinanquin isca huaa, —Nafo uhuun facu Cristo cuscarafo. Ascashon nanfohuunshon uhuun facu Cristo onantirofoquin, —ishon shinan. Non nantifi Cristohuunoa ato yoimisi. Atirififain nocon tsain icoinra huaifoan Jesús ato numa Dios fu nipanonfo. Atirifiton icoinra huayamashu funoshcani omitsiscapananacafo muran fooshcani.

2 Corintios 2:15 Referans Kwoze

Efesios 5:2

Cristo nocohuun noicoinquin noco nashoni nocon chaca soashoshquin. Upa Diosin ahuun facuhuun fasi noicoinfia unimani futsafohuunoashu naiton oin. Ascano Criston noco noimisi cuscan marifi nantifihuun noicoinfafaincahuun.

1 Corintios 1:18

Ascashon Jesús ato nashoni nicacani a icoinra huaamafoan isca shinancani, —¿Tsoanco icoinra huatiromun Jesús ihui coyan iquinanqui noco nashoni nocon chaca soashoshquin? Na tsaincai ahuama, —ishon yoicani. Ascashu nanfo funocoincani. Omitsiscapanacafo muran focani. Ascan nonfin icoinra huaicai. Ascano noco nimapacunaca non afu ipanon. Diosin ahuun shinanhuunshon Jesús noco nashoni nocon chaca soashoshquin. Ahua futsacai noco nimapacutiroma non afu ipanon.

Filipenses 4:18

Ascano natiancai afanan un ahua yopaima. Munmain ayashufin. Epafrodito uqui nocoshon man ua fuma cuscan ua inantoshiyamua. Un yopai cuscan finonmafain man ua fumayamua. Nan man Diosihuun noiai cuscan huafain uhuunrifi noiquin man ua fumayamua. Man ua inainton oian cuscan Diosin matoqui unimacoinni.

Génesis 8:21

Ascano Diosin ahuun nohuu shutuni fasi sharayacoincun. Ascashu Noéqui fasi Diosin unimacoinni. Ascacun Diosin yoiyoni, —Uncai afanan yorafohuunshon mai chacanahuapanacama. Nan facuaitian yorafoti chacasi shinanmisifiacucai uncai afanan nantifi yora yafi yoinafo cuyoima un na rama aca cuscan.

2 Tesalonicenses 2:10

Nan nocofunun icoinra huamafo aton parashquin. Ascashon chaca futsa futsatapafo huaiton oinquin nan icoinra huacanashu arifi nanfo omitsiscapanacafo muran foshquicani. Nanfoancai Diosin tsain iconcoin nicapaiyamafain tsoanricai nan tsain shara noimisifoma Dios fu ipashcaquin. Ascashu omitsiscapanacafo muran foshcani.