2 Corintios 12:7 - Sharanahua: Diospan Tsain

⁷ Upa Diosin icari ua ismani cuscan tsoa futsacai oinmisima. Ascano Diosin shinanni ua oinmanihuunoashu ufiri yoimuisharaino un cacapaimisi itiro. Ascacufin Diosin Satanás nitun huamayamaino yoshin chacan uqui nichini ua fucash huariamisi un cacapaimisi inonma.

2 Corintios 12:7 Referans Kwoze

Números 33:55

Ascano man caifo futsafo na mai anoshon potayamacun mato fasi fucash huafain mato omitsiscamashcani. Nan ahuara pasnanshta furonaqui ishon man mutiro cusca yafi nan moshaqui man chachishon isincoin mutiro cusca nan mani futsafoan mato nanscacoin huashquicani man ato potayamacun. Nan mai shara ano man ifiacun mato nansca huatirofo.

Gálatas 4:13

Un isinin iquin matoqui nocoi tauni. Upa Diosin ua nitun huani un mato Jesushuunoa yoinon.

Daniel 5:20

Ascashu min shuni Nabucodonosor chipo cacapaimisicoin ipaoni. Ahuun nomuran mutocoinquin shinanquin isca huani, “Tsoa futsacai ua cuscarama. Unfin nantifi uhuun mai ano afo un oni huaquin. Nanscashofin nantifi un finoncoianran,” ishon ahuun nomuran shinainton Ifo Diosin yonoa cuscan ahuun yorafoan nan potanifo afanan niaifo iyamacain afananricai isharamisi cuscan anima.

Génesis 32:31

Fari masafinin racano Penuel finonfainni cai Jacob nipaiqui rananfoni.

1 Timoteo 3:6

Ascacun nocofunun rama Jesús Ifoatocai ichananmisifo cushumisi itiroma. Nan cuscara man catoanfin shinanqui isca huatiroquin, —¡Aicho! Unfin fasi sharaquin. Ascan ua samamashta catoanfo un ato cushumisi inon. Ascan uncai futsafo cuscarama. Un ato finoncoianran, —icashon cacapaimisi itiro. Nannori Satanás noco shinanchacamapai.

Génesis 32:25

A fu iquinanyamacaiquin chitucufain coshani. Asca huanocai ayacai nisharanima.

2 Corintios 11:20

Nan ratoran futsan mato curushcai yonoai cuscan man nicacointiro. Man ahuun oinmatifo cuscaracun mato nanfoan yonoa. Ascashori mato yonocani man ato cushusharanon. Mato fucash huafain mato roamisifo. Mato asca huamisifo.

1 Corintios 4:11

Ascan nonfin foniyanan nomicain sahuuti chocacoin sahuufain noco coshafain pushuomacainri Diosin tsain fusti yoi non cahuancacaimisi. Natianri non omitsiscai.

2 Corintios 10:5

Ahuarafoan nocon nomuranshon noco amaquiri shinanmapai non Diospan curushhuunshon non afo potatiro afanan noco anori shinanmanonma. Nanfoanfin Dioshuunoa noco shinanmapaicanima. Non mato yosimisi cuscan nicacasmaifo. Nanscarafo no fu fochishmanantananpaicani. Noco Dios onanmapaicanima. Cacapaimisifoan Dios finonpaifia non Diosin curushhuunshon nanfo non potatiro afanan ascarafo inonma. Non nocon Ifo cufitiro isca huaquin, —Nocon Ifo Criston, nantifi uhuun shinanpan aton ifo ihuun. Un shinain cuscan mirus fusti ua shinanmahuu un mia tanasharanon, —ishon anori nocon Ifo Cristo non yoitiro.

Lucas 13:16

Ascano na ainfofin nocon caifoquin. Abraham ahuun funa. Satanashuunoashu dieciocho fari putocoa. Cayacafi niisharamisima. ¿Asca ahuuscaimun un tunutitian na ainfo cayahuatiromaquin? —ishon Jesús yoiaiton.

Mateo 26:67

Asca huatan ahuun fusoqui cumo michofain sutufain futsan tapasni. Ascashon cashu mutsama huacaquin.

Mateo 4:10

Afanan Jesús cumaqui, —Diospan tsain cununiri “Nan nocon Ifo Diosin fustifin non ratoconun mai chachishotiroquin. Nan fustimain nocon Ifocun,” ishon cununi. Ascan umaquinoashu cariscatahuun Satanás, —ishon Jesús yoini.

2 Corintios 10:10

Atirififoan uhuunoa yoiquin isca huafo, —Pablonun nocoqui cunua cuscan fasi shafacafi mutsispacoin. Ascafia afincoin no fu icun man non oinmisi aacai ahuama. Ahuun tsain ahuamaran, —ishon uhuunoa yoimisifo.

2 Corintios 12:1

Ufin un yoimuisharai. Ascara tsain uhuunoa un yoimuainocai ahuacoinma. Nanscafiacun nocon Ifo Jesús ua oinmana cuscan un mato yoinon. Ascano namapan cuscara ua oinmana. Tsoan nicayomisima cuscararifi ua tapimana. Nannori un mato yoi.