2 Corintios 12:1 - Sharanahua: Diospan Tsain

¹ Ufin un yoimuisharai. Ascara tsain uhuunoa un yoimuainocai ahuacoinma. Nanscafiacun nocon Ifo Jesús ua oinmana cuscan un mato yoinon. Ascano namapan cuscara ua oinmana. Tsoan nicayomisima cuscararifi ua tapimana. Nannori un mato yoi.

2 Corintios 12:1 Referans Kwoze

Gálatas 1:12

Na tsain shara un mato yoimisi cuscacai nocofunun ua tapimanima. Tsoa futsacain ua yosiama. Ascatamarocon Jesucristo uhuun nomuran ua shinanmana cuscan un mato yoimisi.

1 Juan 5:20

Diospan Furun oni Dios iconmisiton noco tapimanon. Ahuunoashu non Upa Dios nan iconmisi fu non ipatiro. Furunri Diosicoin no fu ipanaca. Ascan noco nimapacutiroquin.

2 Corintios 12:7

Upa Diosin icari ua ismani cuscan tsoa futsacai oinmisima. Ascano Diosin shinanni ua oinmanihuunoashu ufiri yoimuisharaino un cacapaimisi itiro. Ascacufin Diosin Satanás nitun huamayamaino yoshin chacan uqui nichini ua fucash huariamisi un cacapaimisi inonma.

Gálatas 2:2

Diosin uhuun nomuran ua shinanmanai cuscan un atoqui noconi un nocon caifomari nan tsain shara Jesucristohuunoa un ato tapimani. Atirificai un yoinima. Aton niaifofo fusti un ato yoiyoni. Un ato yocani isca huaquin, —¿Un Jesushuunoa yoimisi cuscan man shinan cayacafimun? ¿Unraca ipaitsi yoimisi? Man shinain cuscan ua tapimacahuun, —ishon un ato yoini.

2 Corintios 12:11

Nan yora ahua tapiamafoan yoitiro cuscan un mato rama yoia. Un mato anori yoifiafin matohuun nuaquin. Asca ufiri yoimuisharatama mancairocon uhuunoa yoisharafin shara icuanaquin. Nan futsafoan mato paran. —Nonfin Jesucristo fu rafumisisharaquin, —ishon mato parafiamisifo man ato icoinra huamisi. Ascan uacaifin man icoinra huaquin finacaitiroquin. Un ahuamafiacucai afoan ua finoncoianfoma.

2 Corintios 8:10

Ascan un shinain un mato shara huapaiyai cuscan nanfohuunoa un mato yoi man tapinon. Ascan manfin fari fusti finoanquin tsoa futsacai man afanan pui ichanan huashon man ato inantaima. Tau huaquin man ahuuomafo noiquin man ato fasi inanpaicoinquin ato inanqui tau huati.

1 Corintios 10:23

Icon non Jesús icoinra huashon Diosin noco yononi cuscan nantifi non pitiroquin. Nantifi nami shara non pitiro. Nan tsain iconfiacun Jesús icoinra huaa futsafoan shinantiro isca huaquin, —Un na cuscara nami pitiromaran, —ishon shinaintonfin ato ointaificai nan cuscara nami non pitiroma ahuara chaca shinanshquima. Non nantifi yorafo Jesusquiri shinanmapai. Non ato shinanmashara fustipai.

Hechos 23:11

Nan yamutan nocon Ifo Jesús Pabloqui noconi. —Pablon shinanchacayamahuu. Jerusalén anoafo min ato uhuunoa yoimisi cuscan huafain Roma anoafori nanscarifi huaquin yoihuu, —huani.

Hechos 18:9

Ascano yamu futsan Pablo ahuun namapan nocon Ifo Jesús yoini, —Ratuquima uhuun tsain ato yoifoanfafaincahuun. Shatuquima. Un mifu icaquin. Tsoan mia ahuusca huanonma. Nuno nan pushurasi ano uhuun yorafo ichaparan, —ishon yoini.

Juan 16:7

Un mato icon yoinon. Un mato shara huahuunshon matomaqui caiyoicai. Un cayamainocai Diospan Yoshin Shara matoqui otiroma mato cushusharafain mato ashoshquin. Ascafia matomaquinoashu caquin uhuun Yoshin Shara un matoqui nichifainicai.

Números 12:6

—Na un mato yoiai cusca ua nicasharacahuun. Uhuun tsain yoimisi mato muran ica umain ahuu cuscaraqui un yoitiro. Ahuun namapanhuunshon iyamarai namapan cuscarahuunoa un yoipaiyai cusca un nan yoimisi.

1 Corintios 6:12

Ascan man yoiaraca isca huaquin, —Cristo uhuun Ifono un apaiyai cuscan un huatiroquin, —ishon man yoiai. Ai. Nannori. Ahuara sharafoti non huatirofiacun ahuara futsacai ua amatiroma nan un acai fusti un atiro. Uncai ahuara futsahuunoashu aton oinmati un ishquima.

Juan 18:14

Nanton nocon caifo Israelifo yoini, —Nocofunu fusti nantifi yorafohuunoashu naafin shara itiroquin, —huani.

Efesios 3:3

Upa Diosin ua tapimayoni cuscacain tsoa futsan tapiyomisima. Matohuun noicoinquin ua nichini marifi man ahuun yorafo inon. Ascan nanfohuunoa un mato ichapama cunushoni. Nan man man nicamisi.

1 Corintios 14:6

Ascacun uhuun yoramishtichin un matoqui nocoshon tsain futsaman un mato yoiai cuscan man nicayamacai acai matona ahua itiroma. Ascacun Diosihuunshon un mato tsaincoinman un mato yoi Diosin mato yoipaiyai cuscan man nicanon. Maton tsainman un mato tapimanaiton man nicacointiro. Ascashon Diosin mato imapaiyai cuscan man tapitiro.

2 Corintios 12:5

Un oian cuscan huafain un futsa yoitiro isca huaquin, —Diosifin ua fusti nan icari ua oinmaniquin, —ishon un yoitiro. Ascafiacucai un anori yoipaima. Asca huaquin yoiashu un cacapaimisi itiro. Uncai ufiri yoimuisharapaima. Uruscai un ahua huatiroma. Unfin Diosinhuunshon un ahuara huatiroquin. Nanscacufin nan fusti un yoimisi.

2 Corintios 12:9

Un asca huafiaiton nocon Ifoan ua cumaquin isca huani, —Un mihuun noi. Uhuun curushhuunshon nan pau min tunutiro. Un mifu rafucacaini. Nan fusti min yopai. Min mutsispamafiacun un minhuunshon un ato ismatiro un ahuamamishti huatiroran, —ishon ua cumani. Ascacufin unimaquin un yoifafainicai isca huaquin, —Un mutsisipamafiacun uhuun Ifo ahuun curushu ua inantiroran, —ishon un yoishquin. Ascano Cristo ahuun curushu ua inantiro.

1 Tesalonicenses 4:15

Non mato yoia cuscan nan Diosin tsaincoin. Nocon Ifo nai ariashu oaitian nan niyoafocai nocon Ifoqui nocoi tau canima. Ascafia Jesús icoinra huacanashu nan niyoafo yafi namisifo nannoranan nocon Ifoqui nocoshcani. Nanscafin anonpacoiquin.