1 Timoteo 6:8 - Sharanahua: Diospan Tsain

⁸ Ascacufin non tushu yafi sahuutiyashu non unimatiro.

1 Timoteo 6:8 Referans Kwoze

Mateo 6:11

Shafatifi nocon tushu non yopai cuscan noco inanhuun.

Génesis 28:20

Nannoshon Jacob yoiquin isca huani, —Diosin u fu cacain ua cushusharafain ua tushu inanfain ua sahuumafain ua nasomasharafain ua cushuquin asca huaino uhuun Ifo icain uhuun Diosin itiroquin.

Deuteronomio 2:7

Nocon Ifo Diosin nocohuunoa shinansharaquin non amisi cusca noco sharahuashomisi. Cuarenta fari tsoa istaipama ano non foafanfainni nocon Ifo Diosin no fu cahuacamisi. Noco oinsharafain noco cushusharamisi. Noncai ahuara yopamisima.

Génesis 48:15

Ato asca huatan Israel ahuun facu José Dioshuunshon yoi sharani isca huaquin, —Uhuun shota Abraham yafi uhuun upa Isaac Diosi nicacoinpaoni. Nan Diosiri ua cushumisi nantishon tapiquin natianri.

Filipenses 4:11

—Ascano un ahuara yopafiaquicai man ua ahua inanmaran, —un mato huamisima. Ahuarafo ahuuscarafiainocai shinanchacatamarocon un unimacointiro. Diosifin nannori ua tapimanaquin. Ascashu un ahuara ichapaya iyamarai un ichapama ayafiashuri un unimatiro.