1 Timoteo 6:3 - Sharanahua: Diospan Tsain

^3-4 Un mia tapimana cuscan cayacafi sharacoin. Nannorifi nocon Ifo Jesús yosipaoni. Ascan tsoan anori yosiama nanton amaquiri yosia. Nan cuscara cacapaimisi. Aatocai ahua tapiama. Ahuun nomuranshon shinanchacaquin samamashta futsa fu fochishmanantananpaitiro. Ascatacai unimatiroma. Ascaquin futsafo ahuara ya cuscan fuchipaifain futsahuunoa tsain chaca huafain futsahuunoa shinanchacamisi. Futsan aqui oshon futsahuunoa yoiai cuscan samamashta icoinra huashon ahuun nomuran shinanqui isca huamisi, —Nanto ua chaca huaaran, —ishon shinanchacafafainmisi.

1 Timoteo 6:3 Referans Kwoze

1 Timoteo 1:3

Ascan un Macedonia ano caquin un mia yoini isca huaquin, —Efeso anoashu cariyamahuun. Anoa futsafoan ato Diospan tsain amaquiri yosimisifo. Ato yoihuu afanan asca huaquin yosinonfoma, —ishon mia yoini.

1 Timoteo 1:10

Aton ahuinma non aton funuma fu icain nocofunufo yafi ainfofo chaca huatananmisi icain futsa curushcain aton yonomati imafain chanimisifo. Ascacanashu ahuara futsa Diosin noco sharacoin yononi cuscan nicacasmacani. Nanscarafo Diosin ato nicamapai nan yononi cuscacoin anonfo. Ascafia chaca huamisifo cuscan shatuyamaifoan ato onaintimashqui tapinonfo. Upa Diosin ua yononi cuscan ahuun tsain sharacoin nantifi yorafo un ato yoinon. Nocon Dios fasi sharacoincun.

Tito 1:9

Ascacun Diospan tsain non icoinra huatiro nan iconcoin. Non Diospan tsain yoiaiton fasi icoinra huafafainmisi nan cuscara cushumisi shara itiro. Ascashon arifi futsafori nan tsain sharahuunshon aton ointi unimamatiro. Ascafia futsafoanri Diospan tsain nicacasmaifoan atorifi nan tsain sharahuunshon cushumisiton ato oinmatiro amaquiri shinainfo cuscan.

2 Timoteo 4:3

Ascacun ato yoisharahuu ratoran shafatacai tsoan afanan Diospan tsain iconcoin nicapaishcanima. Ascatama nanfoan nicapaiyaifo cuscan fusti nicashcani. Ascashon tapimisi ichapafo funafafainshcani Diospan tsaincoinma nicapaiyaifo cuscan ato yosinonfo.

Romanos 16:17

Uhuun yoramishtichin oinfain. Mato fu ichananmisifo futsafoan mato shinanchacamapai afanan Jesushuunoa man nannorisi shinanonma. Non mato cayacafi tapima cuscan nanfoan anorima mato tapimapai. Mato amaquiri shinanmapai afanan icoinra man huanonma. Atomaqui icahuun.

Tito 1:1

Unquian Pablo un mia cunu fomai min tapinon. Unfin Jesucriston ahuun yonomati yafi afu rafumisiquin. Ascashon ua nichini nan Diosin catoanfo un ato tapimanaino Ifo Jesús icoinra huanonfo. Nocon Upa Diosicai chanitiroma. Nantofi ahuara oni huataima yoiyoniquin isca huaquin, —Tsoan uhuun tsain iconcoin uhuun facu Jesushuunoa icoinra huaiton unfu ipatiroran, —ishon yoiyoni.

2 Timoteo 1:13

Un mia cayacafi tapimana cuscan icoinra huacoinhuun funoshquima. Nocon Ifo Jesucristo icoinra huafain ahuunri noicoinhuun. Ascacun ahuunshon nantifi noicoinhuun.

1 Timoteo 1:6

Atirififaincai asca huacanima. Ascatamarocon Diosin yonoa cuscan man cachiquiri huaafo. Ascashon tsain ahuama ipaitsi yoimisifo.

1 Tesalonicenses 4:8

Ascacufin tsoan un mato yosimisi cuscan nicayamai atocai nocofunu fustisi nicacasmaima. Dioscoinrifi nicacasmamisi. Nanton ahuun Yoshin Shara mato inan mato amapaiyai cuscan man tapinon.

Mateo 28:20

Ascashon nantifi un mato yonoa cuscan huafain yorafori yosicahuun icoinra huafain ua nicasharanonfo. Unfin matofu iquicai. Ascashu nan un afanan oaitian un mato furi ipanacaran, —ishon noco Jesús yoini. Nanti.

Tito 3:8

Nan un mia yoiai cuscan non icoinra huatiro. Ascan nanfo ato yoifafainhuun. Ascacun un mia yosia cuscan icoinra huaa futsafoan futsaforifi shara huashofafainon. Tsoan asca huaifin fasi shara huacoinquin. Ascano aton ointi unimamaquin isharanonfo.

Mateo 22:21

—Niaifo Cesarinnaran, —huaifoan. —Ascan Cesarinacun nan inancahuun. Ascan Diosinacun Diosiri inancahuun, —ishon ato yoiaiton.