1 Timoteo 5:6 - Sharanahua: Diospan Tsain

⁶ Ascafia funuoma futsafocai ascatiroma. A futsan shinain cuscan huaquin shinantiroma. Futsa afin apaiyai cuscan fusti shinanfafaitiro. Ascaquicai Dioshuunoa shinansharatiroma. Ascashon pushuti chani yoifoanfafaitiro. Nan cuscarafoan chaca huafafainicai Dios fu nipatirofoma. Ascashu nifiashu man naa shinantsaafo.

1 Timoteo 5:6 Referans Kwoze

Santiago 5:5

Mato yonomisifo omitsisca cuscan mancai ascatamarocon man niyoashu man fasi isharamisi. Ahuashtacai man yopamisima. Moipan ichapa pii shoatiro. Tapiama shoacun ifoan rututiro pinonfo. Nanscarifiai mancai niyoashu isharamisi. Unimacain ahuara apaiyai fustisi man amisi. Man tapiama ascara chaca huafiashu samamashta man nai omitsiscai futsushquin.

Apocalipsis 3:1

Ascatan afanan Jesús ua yoiqui isca huaa, —Ua icoinra huafo Sardis anoa aton Diosin tsain yoimisi un yoipaiyai cuscan ua cunushoquin isca huai. “Unquian, un maton Ifo Jesús, un mato yoisharapai man tapinon. Diosin Yoshin Shara ufu rafumisi. Ascacun nan Diosin tsain yoimisifo un iquimisi. Ascacun un mato yoi isca huaquin. Man amisi cuscan mun tapicoian. Yorafoan matohuunoa yoimisifo isca huaquin, ‘Nan Sardis anoafoan Jesús icoinra huafain isharacoinmisiforan,’ ishon matohuunoa yoimisifo. Man isharamisifo ointsacun. Ascafia mancai matohuunoa yoiaifo cuscan man amisima. Mancai ua tanacoianma.

Lucas 15:24

Uhuun facu man naa shinantsa amisishaquin afanan man nasoaquin. Natian afanan ufu nuno nia. Man funofiani natian afanan man non fuchiaquin. Non ichananon nantifi aqui unimaquin pifain non mononon. Noco manutifo non manunon,” ishon apan yoini.

Lucas 15:32

Ascafia min ushto man naa shinantsa amisishaquin natian man noco shara. Man funofiani man non afanan fuchia. ¿Asca ahuuscacumun non ichanainmacain aqui unimashquin?” ishon apan furu iyoa yoini, —ishon Jesús yoini.

Efesios 2:1

Ascafia mato chacahuunoashucai man Diospan yora ipaonima afu ipashquin. Ascatama maton chaca soashonataima yora naa cuscarafo. Omitsiscapanacafo muran man focuana.

Lucas 15:13

Ascano shafa ranan finontan ahuun facu chipocuton nan apa inan cuscan nantifi ahuun rafanan pui fiananan huani. Asca huatan mai futsa chaicoin ari cani. Nanrishon ahuun pui shafatifi potani monocain pauncaiyainfo furomafo fu icai.

Mateo 8:22

—Ascaquima ua tanahuun. Ua ifoamafofin nan yora naa cuscarafoquin. Ascashon nanfoan ato yora naacun mai huatirofo. Ascan minfin natian ua tanaicain, —ishon Jesús cumani.

Colosenses 2:13

Man Jesús Ifoataima nan yora naa shinantsa man apaoni. Ascashon man chaca huapaoni. Ascafia Upa Diosin Cristo funimani afu nipanon. Nanscarifi aqui matorifi ahuunshon nimapacutiro. Ascashon nantifi nocon chacafo man rau huaa.

Lucas 12:19

Uhuun nomuran un shinanqui isca huaa, ‘Uhuun ahuara ichapa iquisi mucushon chipo un tunusharafain ayafain aqui pifain monocain un unimasharacoinniran,’ ” ishon ahuun nomuran shinanni.

Lucas 7:25

¿Ascan ahuuscai Juan oinpai man fonimun? Itsairaca nan nocofunun sahuuti sharacapacoin sahuucun oincai man foni. Ma. Juanpacai sahuuti shara sahuumisima. Niaifofoanfin ato pushu muranshon sahuuti sharacapacoin sahuutirofoquin.

1 Samuel 15:32

Chipo Samuel yononi, —Ua Amalecitafo aton niaifo Agag ua ihuushohuun, —huani. Agag ahuun nomuran shinanni isca huaquin, —Ua afanan rutupaiyamaino. Afanan uhuun nomuran un musuimaran, —ishon Agag ahuun nomuran shinain ratutama Samuelqui oni.

Lucas 16:19

Ascashon afanan Jesús ato yoiqui isca huani, —Nocofunu futsa mafo ichapayaton sahuuti mapash sharacoin sahuufain tushu sharacapafo shafatifi pisharamisi.

Génesis 2:17

Ascan nan fana futsan ahuun anu shara yafi chaca nan piyamahuun. Ascan nicayosmacai nan fimi piashuforan nan icocoin min nairan, —ishon yoini.

2 Timoteo 3:6

Ascatari ainfofoan chaca huamisifo cuscacai Dios yoimisifoma ato chaca soashonon. Anoricai itama afananri ahuara chaca futsa futsatapafo huapaicaquin shinanfafaimisifo. Ascaquin ato ointi nocoafo chaca huamisifo shinancaquin. Ascashon nanscara ainfofoan yoimisifo isca huaquin, —Un tapipai ahuuscashumain un isharatiroquin, —ishon yoifiaquicai Jesucristohuunoa Diospan tsain iconcoin nicafiaquicai tapicoianfoma. Ascano nan yora chacafoan nanscara ainfofo ato pushu muranshon iquimisifo ato tsain shara nicatsa yoiquin. Ascafia ato tsain shara yoiamafiaqui. Ascan ato yoiaifo cuscan fasi amaquiricoin. Ascashon ato iquipaicani.