1 Timoteo 4:15 - Sharanahua: Diospan Tsain

¹⁵ Un mia yonoa cuscan nantifi huafafainhuun ato ashosharashquin. Ascaifin min shafatifi itisharatiroqui. Ascaquin ahua futsa shinantaquima nan min acai fustisi asharafafainhuun. Min ascaiton oinquin yoitirofo man min fasi itisharacoian.

1 Timoteo 4:15 Referans Kwoze

Mateo 5:16

Ascacun nantifi yorafo shara huacoincahuun. Man ato shara huai cuscan oinquin shinantirofo isca huaquin, “Diospan yorafoan fasi noco shara huafafaincani. Apa Diosin ato yosisharamisi. Asca aton Upa Dios fasi sharacoinran,” ishon shinantirofo. Anori shinancaquin maton Upa Dios nai muran ica yoitirofo isca huaquin, “¡Aicho! Upa Diosin tsoa futsacai mia cuscara sharama. Min nantifi finoncoianran,” ishon yoishquicani. Afanan yoitiro isca huaquin, “Dioshuunshon noco shara huashomisifo. Ascan aton Dios sharacoinran,” ishon yoishquicani.

Hechos 6:4

Ascan nonfin shafatifi Upa Dios cufifafainicain ahuun tsainri yoishquin, —ishon yoinifo.

Tito 2:14

Nanto noco nashoni non afanan chaca huamisi iyamacain non yoitimamisi inonma. Afanan ahuara chaca nocon ifo itamarocon nan noco imasharacoiain cuscan ahuun yorafo non inon. Ascashu norifi a cuscara fasi shara huapaimisi non itiro.

Salmos 119:97

Uhuun Ifon, min tsainfin un fasi noicoincain. Shafatisho min tsainhuunoasi un shinanfafaini.

Josué 1:8

Un mato yonoa cusca nan cunua oinfafaihuun. Min nomuranshon nan cunua cuscan shafatifi non yamutifiri shinanhuun. Min nanscaifin nan cunua cuscan min aashquicai. Ascaino nanti min acai cuscan shara iishquin. Min isharacointiro.

1 Timoteo 4:6

Uhuun facushtan Timoteo un mia tapimanai cuscan min icoinra huaa futsafo mirifi min ato tapimashu min Jesucristo yonomati shara itiro. Nan tsain shara Jesushuunoa min icoinra huamisi. Facushon min Diospan tsain icon nicamisi cuscan nanscacoin min tanasharacoinmisi. Shafatifi nan tsain shara min nomuran nanuhuun futsafori tapimasharashquin.

2 Corintios 8:5

Non shinanyamua noco pui fusti inainfoshafain non Judea anoafo foshoicanon. Ascafiacai ascara iyamuama. Noco pui inantaifoma ichanancashon noco ointaifi cufiyoiyamuafo isca huaquin, —Nocon Ifon, nonfin min yoraquin. Min noco yonopaiyai cuscan min noco yonotiro. Nonfin minaquin, —ishon yoiyamuafo. Nannori yoicatan nocori yoiyamuafo isca huaquin, —Diosin matohuunshon noco yonopaiyai cuscan noco yonotiro. Norifi non mato nicacointiro, —ishon noco yoiyamuafo.

Salmos 19:14

Uhuun Ifo minfin toquirininhuan cuscaraquin. Tsoancai mia shucatiroma. Ascan un mi fu rafuainocai tsoashtacai ua shucatiroma un mi fu rafunonma. Min ua numa un Upa Dios fu ipanon. Un yoia cuscan huafain uhuun nomuran un shinain cuscan min uqui unimapainon.

1 Corintios 16:15

Estéfanas ahuun yorafo Grecia mai anoafoan Jesús icoinra huaquin taucoin huanifo. Man manfin ato oinmisiquin. Man man tapia nanfoan Diosin ahuun yorafo shara huamisifo. Nan cuscarafo nicasharacahuun. Nan atofu yonoafori nicasharacahuun.

Salmos 63:6

Uhuun oshati camaquishon un mihuunoa shinanshifafainni.

Salmos 1:2

Ascan chaca huamisifoan acaifo cuscan non huatamarocon nocon Ifo Diosin yonoa cuscan non fasi fuchipaicoin. Non asca huaiton shafatisho non yamutishori Diospan tsainhuunoa non shinanfafaintiroquin.

2 Corintios 4:14

Ascashon man non tapia nocon Ifo Jesús man nafiacun Upan Diosin afanan funimani afu ipanon. Ascacun Apan Jesús funimani cuscan mato yafi nocori funimashquin non afu ipanon.

1 Timoteo 4:14

Ichananfo ato cushumisifoan mia manmanshon cufishonaifono nantianri Diosin mia amapaiyai cuscan mia ashoni min icoinra huaa futsafo tapimasharafain min ato cushusharanon. Ascan Upa Diosin mia cashman tapimani cuscan huafain futsafori shara huashofafainquin shatuyamahuu.

1 Timoteo 4:16

Ascacun oinfain. Nantishotapiquin min isharacain min ato cayacafi Diospan tsain tapimasharanon. Min ascaiton Diosin mihuunshon ato numatiro afu ipanonfo chaca huashcaquima. Mirifi min Jesús fu rafucacaintiro. Ascaquin min nomuran unimashquin.