1 Timoteo 3:8 - Sharanahua: Diospan Tsain

⁸ Nanscarifiai ichananfo aton shara huashomisifo isharamisifo futsafoan atohuunoa shinansharafain icon fustisi yoimisifo. Nan cuscarafo ichananfo aton shara huashomisifo itiroquin. Iscarari itirofo. Paumisi iyamacain pui noimisiforicai itiroma.

1 Timoteo 3:8 Referans Kwoze

Filipenses 1:1

Uhuun yoramishtichin Filipos anoafoan manfin Diospan yorafoquin. Un mato yafi mato niaifofo non mato cushumisifori cunu fomai man tapinon. Timoteo natian ufu nuno. Nantori mato yoisharapai. Ascan nonfin Cristo Jesús ahuun yonomati rafuquin.

Tito 2:3

Nanscarifiaiyainfo iyoafofori ato yosihuu isca huaquin. Ainfo iyoafofo Jesús tanacoianshu isharanonfo. Ascashucai futsafohuunoari chani yoifoanfafainmisi iyamacain paumisi iyamacain. Ascatamarocon ahuara shara fustisi futsafo tapimashquin.

1 Timoteo 5:23

Natian tsain futsa un mia yoisharapai. Min shaquipan imisi. Ascacun unu fustisi ayaquima ichapama pau fata ayahuun cayasharashquin.

1 Timoteo 3:3

Paumisi iyamacain sutumitsapaimisiri iyamacain futsafo yoisharapaimisi icain. Ascataricai fochishmanantananpaimisi iyamacain pui noipaimisiri iyamacain. Nan cuscara nocofunu catonhuun icoinra huafo ato cushumisi inon.

Tito 1:7

Ascano nan cushumisiton Diosin yonoshona. Ascashon nan Dios fu tsainti pushu murannoafo ahuun yorafo cushushara. Ascacufin nantififain ahuunoa yoisharafo aton cushumisi inon. Ascashu cacapaimisi iyamacain ointi rochitimani iyamacain paumisi iyamacain sutumitsapaimisi iyamacain futsafo parashon ato pui fianmisiricai itiroma.

1 Timoteo 3:12

Nan ichananfo aton shara huamisifori ahuin fustiyafo itirofo. Ascashon ahuin yafi ahuun facuforifi onihuaniti. Nanfoanri Jesús tanasharanonfo.

1 Pedro 5:2

Ascacun un mato yoi nan Jesús icoinra huafo ichanainno Diosin mato yononi cuscan ato cushusharacahuun. Ato Diosin tsain yoisharacahuun isharanonfo. Ascashon shinanquin isca huayamacahuun, —¡Ohua! Un ahuara futsa huapaifiaiquin un Diosihuunshon ato cushuiran, —ishon shinanyamacahuun. Ascatamarocon yoiquin isca huacahuun, —¡Aicho! Diosin ua amapaiyai cuscan un ahuun yorafo cushusharairan ahuun tsain tanasharanonfo, —ishon anori man shinainno Upa Diosin matoqui unimacoinni. Ascafia maton nomuranshon man shinanquin isca huai, —Un ato cushuaihuunshon ua pui inantirofo, —ishon anori shinanyamacahuun. Pui fustihuunoa shinanyamacahuun. Ascatama Dios fasi yonoshosharapaiquin ato cushusharacahuun.

Romanos 3:13

Yora naacun mai huashon non fupuaino pisin tohuutiro cuscan nanscarifiai aton ashfan muranshon tsain fasi chacacoin yoimisifo. Nan rono paupaton noco nasa non mutiro cuscan aton tsainmanri noco omitsiscamatiro.

1 Timoteo 3:2

Nan nocofunu cushumisi shara fusti itiro. Ascano ahuara chaca ahuunoa shinainfocain cushumisi itiroma. Ahuin fusti ya icain pau fuchipaimisi iyamacain ahuara ahuuscarafiaino shinansharamisi icain ahuara shara fustisi shinanpaimisi icain ahuun pushu muran yora iquimasharamisi icain futsafo Diospan tsain tapimasharatiro icain.