1 Timoteo 3:3 - Sharanahua: Diospan Tsain

³ Paumisi iyamacain sutumitsapaimisiri iyamacain futsafo yoisharapaimisi icain. Ascataricai fochishmanantananpaimisi iyamacain pui noipaimisiri iyamacain. Nan cuscara nocofunu catonhuun icoinra huafo ato cushumisi inon.

1 Timoteo 3:3 Referans Kwoze

Tito 1:7

Ascano nan cushumisiton Diosin yonoshona. Ascashon nan Dios fu tsainti pushu murannoafo ahuun yorafo cushushara. Ascacufin nantififain ahuunoa yoisharafo aton cushumisi inon. Ascashu cacapaimisi iyamacain ointi rochitimani iyamacain paumisi iyamacain sutumitsapaimisi iyamacain futsafo parashon ato pui fianmisiricai itiroma.

Tito 3:2

Ascashon ato tapimahuun futsahuunoa tsain chaca huanonfoma. Ascatan fochishmanantananyamacain futsafohuunoa shinansharafain nantifi yorafo ahuun nomuranfo yora shara huafafainmisi iishquin.

Efesios 5:18

Ascashu paunyamacahuun. Pauncacaini man fasi chacacoin itiro. Pauncaquimarocon Diosin Yoshin Shara fu rafucain yonoshosharafafaincahuun.

1 Timoteo 3:8

Nanscarifiai ichananfo aton shara huashomisifo isharamisifo futsafoan atohuunoa shinansharafain icon fustisi yoimisifo. Nan cuscarafo ichananfo aton shara huashomisifo itiroquin. Iscarari itirofo. Paumisi iyamacain pui noimisiforicai itiroma.

Santiago 4:1

¿Ahuuscain mafi ranan man fochishmanantanantiashu man sutunainmun? Maton nomuran shinanchacashufin man ascaicain. Chaca fusti fuchipai.

1 Pedro 5:2

Ascacun un mato yoi nan Jesús icoinra huafo ichanainno Diosin mato yononi cuscan ato cushusharacahuun. Ato Diosin tsain yoisharacahuun isharanonfo. Ascashon shinanquin isca huayamacahuun, —¡Ohua! Un ahuara futsa huapaifiaiquin un Diosihuunshon ato cushuiran, —ishon shinanyamacahuun. Ascatamarocon yoiquin isca huacahuun, —¡Aicho! Diosin ua amapaiyai cuscan un ahuun yorafo cushusharairan ahuun tsain tanasharanonfo, —ishon anori man shinainno Upa Diosin matoqui unimacoinni. Ascafia maton nomuranshon man shinanquin isca huai, —Un ato cushuaihuunshon ua pui inantirofo, —ishon anori shinanyamacahuun. Pui fustihuunoa shinanyamacahuun. Ascatama Dios fasi yonoshosharapaiquin ato cushusharacahuun.

Hebreos 13:5

Pui noiyamacahuun. Man aya cuscan fustia unimacahuun. Upa Diosin yoini isca huaquin, “Uncai matomaqui ipayamacai uricai mato potanacamaran,” ishon yoini. Ascacun nan tapiashu non fasi unimacointiro.

Tito 2:3

Nanscarifiaiyainfo iyoafofori ato yosihuu isca huaquin. Ainfo iyoafofo Jesús tanacoianshu isharanonfo. Ascashucai futsafohuunoari chani yoifoanfafainmisi iyamacain paumisi iyamacain. Ascatamarocon ahuara shara fustisi futsafo tapimashquin.

Apocalipsis 1:9

Unquian Juan un matofu Jesús ahuun yora. Ascacun man uhuun yorafo. Nantifi non icoinra huafo noco iquinashu no fu rafupacunaca. Man Jesushuunoashu omitsiscafiaquin man tunumisi. Man mumisi cuscan urifi un mumisiquin. Un Diosin tsain yoifain Jesushuunoari ato yoimisi. Ascacun aton niaifofoan ranushumuafo yonoa ua achicashon ua mai futsan ahuun anu Patmos ano ua nichinifo. Nan mai unu toomanhuan ano.

Judas 1:11

¡Ai timafin! Fasi omitsiscapashcaquin. Caín chipocu rutuni. Nanfori nanscarafo. Balaam cuscarafori. Nan Balaam pui fusti shinanquin chaca huani. Nanfoanri nansca huamisifo. Coré cuscarari. Nan Coré ahuun niaifo Moisés nicacasmapaoni. Ascacufin Diosin nan namaniquin arifi nicacasmacanashu nai omitsiscapashcaquin.

2 Pedro 2:3

Nan chanimisifoancai futsafo shara huapaicanima. Nanfofin yoashicoinfoquin. Diospan tsaincoin ato tapimatamarocon aton nomuranshon amaquiri shinainfo cuscan fusti mato tapimashcani. Ascashon maton pui fianshcani. Ascatan mato parashquicani. Ascafia Diosin ato oin chaca huaifo cuscan ointiaquimashquinma. Ratoran shafata ato onaintimashqui omitsiscapanonfo.

Tito 1:11

Pui fusti fipaicaquin futsafo fasi amaquiri chacacoin tapimacani. Ascacun atohuunshon ahuun yorafoyashon Jesús cachiquiri huaafo. Ascacun aton tsain shatumahuu afanan futsafo amaquiri yosinonma.

1 Tesalonicenses 5:14

Uhuun yoramishtichin ua nicasharacapun. Nan shanimisifo yoicahuun shaninonfoma yonosharashcaquin. Aqui tushcuimisifori yoisharacahuun nocon Ifo mutsisipa tanasharanonfo. Nan samamashta chaca shinanmisifo ato oinmasharacahuun man atohuun noiquin man ato cufishotiro chaca huanonfoma. Nantifihuun noicoincaquin ato oitsii huasho yoisharacahuun. Ascatan ahuara ahuuscarafiaino atohuun patsicain ato yoisharacahuun.

Romanos 16:18

Afoancai nocon Ifo Cristohuunshon yonomisifoma. Nanfoan ahuara fipaiyaifo fustisi shinanfo. Diosin tsain tapisharafoma aton tsain fustihuunshon ato parapaicani ato amaquiri shinanmashcaquin.

Hechos 20:33

Tsain futsari mato yoinon. Uncai maton pui yafi maton sahuutifo un fipaimisima.

Mateo 21:13

Ascashon Jesús ato yoini, —Diospan tsain cunuquin isca huani, “U fu tsainti pushu muranshon man ua fusti cufitiroran,” ishon cunufiani nan yomutsofoan ichananti cuscara man huapairan, —ishon ato yoini.

1 Samuel 8:3

Ascafia furunfocai apa cuscara inima. Samuel nocon Ifo Diosi tanashara cuscacai ahuun furun rafutan huaafo inima. Pui fusti shinanquin futsafo fomannifo pui paratama fiishcaquin. Futsan ato yoiquin isca huani, —Un futsa chaca hua cuscan man yoicuma un mato pui inainran, —ishon yoiaiton nan Samuel furun rafutan nan pui fiinifo. Ahuara iconmafia nanscara yoinifo.

2 Timoteo 3:2

Chaca iscarafo huashcani. Futsafo shinantama afiri fusti noicain futsafo noiama icain pui fusti noifain afiri fusti yoimusharacain curafiapaimisi icain roanmitsamisifo icain aton apa yafi ahua nicacasmamisifo iishquicani futsafoan ato shara huashoan cuscan ato, —¡Aicho! —huayamafain atohuunoa fusti shinanchacaquin. Ascaquicai Diosihuunoa ahuara sharafo shinansharatiroma.