1 Timoteo 3:10 - Sharanahua: Diospan Tsain

¹⁰ Tsoan ichananfo ato shara huashomisi ipaiyaiton iquisi oinsharayotirofo. Isharacoincaimain ahua chaca huamaquin. Ascan oianfo isharacoincacainaiton nan cuscara ichananfo shara huashomisi itiroquin.

1 Timoteo 3:10 Referans Kwoze

1 Timoteo 5:22

Ascano ichananfo aton cushumisi catonriscayamahuu. Iquisi oinsharayohuu Jesús tanasharamisi iyamarai tanasharamamainquin. Tsoan ahuun chaca fomanpairiai cushumisi catonyamahuu. Ascaran min catoanfin mirifi min ahuun chaca fomanshonni cafiscaiquin. Ascacun ascayamahuu. Jesús cuscara isharacoinhuun. Ahua chaca huayamahuu.

1 Timoteo 3:13

Nanscara shara huashomisi ichananfoan ahuunoa yoisharatirofo. Ascashon nanton nocon Ifo Jesucristo icoinra huaquin finacointiro.

1 Juan 4:1

Uhuun yoramishtichin, ratoran futsafoan mato yoiquin isca, —Un mato Diospan tsain yoiran, —ifiacaquin atirifoan paramisifo. Ascaiton ato nicashon man Diosin tsain ointiro. Aton tsain ascacoinyamaiton man tapitiro Diospan Yoshin Sharahuunshon mato yoiama. Diosin ato yonoama.

1 Timoteo 3:6

Ascacun nocofunun rama Jesús Ifoatocai ichananmisifo cushumisi itiroma. Nan cuscara man catoanfin shinanqui isca huatiroquin, —¡Aicho! Unfin fasi sharaquin. Ascan ua samamashta catoanfo un ato cushumisi inon. Ascan uncai futsafo cuscarama. Un ato finoncoianran, —icashon cacapaimisi itiro. Nannori Satanás noco shinanchacamapai.

1 Timoteo 3:2

Nan nocofunu cushumisi shara fusti itiro. Ascano ahuara chaca ahuunoa shinainfocain cushumisi itiroma. Ahuin fusti ya icain pau fuchipaimisi iyamacain ahuara ahuuscarafiaino shinansharamisi icain ahuara shara fustisi shinanpaimisi icain ahuun pushu muran yora iquimasharamisi icain futsafo Diospan tsain tapimasharatiro icain.

1 Corintios 1:8

Aqui nocoaitian mato cushusharayoshquin. Ahuun curushu mato inanyoshquin man tanasharanon. Ascano nocoshon ratofomain afu ipacanicain yoifain ratofomain omitsiscapanacafo muran focanicai nantifi yoipacushquin. Nantiantari mato yoishquin isca huaquin, —Un maton chaca soashoni. Ascano tsoancai “Manfofin chacaforan,” mato huatiroma. Ua cuscara shara un mato imairan, —ishon Jesús mato yoishquin.

Colosenses 1:22

Ascafiacun Furun Jesucristo nai muranshon mai ano nichini nocofunucoin iquiyonon. Ascashu ihui coyan iquinanhuunoashu noco nashoni. Ahuunoashu natian Diosin matofu rafucain maton chaca soashotiro a cuscara shara man inon. Ascano man aqui nocoaitian matohuunoacai ahuashta chaca shinantiroma. Ascashocai mato yoitiroma isca huaquin, —Min chaca huamisiran, —ishoncai mato yoipacunacama.