1 Timoteo 2:4 - Sharanahua: Diospan Tsain

⁴ Nantofin nantifi yorafo numapaiquin. Ascashon aton chaca soashona afu ipanonfo. Cristohuunoa iconcoin tapisharanonfo.

1 Timoteo 2:4 Referans Kwoze

2 Pedro 3:9

Ascafia atirififoan shinancaquin isca huacani, —Nocon Ifoan yoiyotiani cuscan icataima. Ascafia man yoini cuscan finonpacucoinran, —ishon shinancani. Ascaquimarocon Diosin nocohuun ramapaicoin. Tsoacai omitsiscapanacafo muran potapaima. Funaquimafin ato mana sharamisiquin nantifiton aton chaca shatunonfo ahuun tsain nicasharashcaquin omitsiscapashcaquima.

Tito 2:11

Ascan Upa Diosin nantifi tapimana atohuun ramapaiqui Furunhuunshon yorafoan aton chaca soashotiro afu ipashquin.

2 Timoteo 2:25

Diospan tsain iconshara nicacasmaifori oi tsii huafain ato tapimasharahuun Diosin aton nomuran shinanma futsaino ahuun tsain iconcoin tapinonfo.

1 Timoteo 4:10

Ascano non fasi curushu yonoshofafainicain man non omitsiscamisi futsafo nan tsain shara icoinra huanonfo. Nonfin tapia nocon Dios nipanacaton nocori nimapacutiroquin. Afin nantifi yorafo nashoniquin. Ascafia icoinra huafoti afu nipatirofo.

Apocalipsis 14:6

Ascatan un oian Diospan oinmati futsan afu nai muran ica fasi cuyacoin noyaino nantifi yorafo maifoti anoafo tsain shara ato yoinon. Caifoti yoifain shoco futsafoti yoifain nantifi tsain futsa futsatapafo yoimisifoti yoifain manifotiri ato tsain shara yoinon. Upa Diospan tsain nipanacahuunoa ato yoia.

Juan 14:6

Ascaiton Jesús cumani, —Unfin na faiquin. Unfin iconmisiquin. Uhuunoashufin yorafo nipatirofoquin. Tsoacai afi uhuun Upa icano nocotiroma. Uhuunoashu fustifin uhuun Upa ari nocotirofoquin.

Mateo 28:19

Ascacun manifoti anoafo yoifoanfafaitacahuun ua icoinra huafain ua tanasharanonfo. Uhuun Upa Diosin ahuun anuhuunshon yafi uhuun anuhuunshon non Diospan Yoshin Sharahuunshonri yorafo unu muran iquimashcaquin.

Tito 1:1

Unquian Pablo un mia cunu fomai min tapinon. Unfin Jesucriston ahuun yonomati yafi afu rafumisiquin. Ascashon ua nichini nan Diosin catoanfo un ato tapimanaino Ifo Jesús icoinra huanonfo. Nocon Upa Diosicai chanitiroma. Nantofi ahuara oni huataima yoiyoniquin isca huaquin, —Tsoan uhuun tsain iconcoin uhuun facu Jesushuunoa icoinra huaiton unfu ipatiroran, —ishon yoiyoni.

Lucas 14:23

Pushu ifoan afanan yoini, “Afanan fai futsafo ari cariscatahuun ua ato yoishoshquin funonfo. Ato yoihuu isca huaquin, ‘Uhuun ifoan pushu ano nitutama furiscacahuun mato pimapaiquin,’ ishon ato yoitahuun uhuun pushu fospi funonfo.

Lucas 1:77

Diosin fasi nocohuun ramapaiqui nocon Ifohuunshon noco chaca soashona non afu ipashanon,’ ishon noco caifo min ato yoishquin. Nii muran faquishiainocai non oinsharatiroma. Chashamatimaisicai non fai tanasharatiroma nocosharapaiquin. Nanscarifiai nocon Ifo oataimano tsoan Diosin fai tapiataima. Shafaino fari otiro afanan faquish inonma. Nanscarifiai nocon Ifo nai murannoashu oataima nan faquish cuscara. Ascafia nan nocoqui oaitian nan chashamati cuscara shara iishquin. Ascashon Diospan fai noco oinmashquin ahuunoashu non Dios fu rafunon. Nonricai nai afanan ratutiroma. Naashumain non Upa Dios fu ipasharatiro. Non nicuri noco cushusharafain nocon ointi fucash huanonma non isharashquin,” ishon Diosin Yoshin Sharahuunshon Zacarías yoini.

Juan 17:17

Min tsain iconcoin. Min tsainman ato shara huamahuu mia cuscara shara inonfo.

Juan 6:37

Nan ratoranfo uhuun Upa Diosin uqui nichiafin uqui fucaniquin. Ascan nanfofin un ato cushusharapacunacaquin. Un ato potapacunacama.

Marcos 16:15

Ascano ato yoiquin, —Mun funia. Atohuunoashu naiyofiashu un afanan funia aton chaca soashoshquin ufu nipanonfo. Manifoti ato yoitacahuun.

Hebreos 10:26

Ratoran futsafoan tapiafo Jesús ahuunoashu naani ahuun chaca soashoshquin. Nanscara man tapifiashon chaca huariaquin nocon Ifo Jesús cachiquiri huacoincun. Ascarafocai afanan ahuun chaca soashotiroma. Jesús fustiton nocon chaca soatirofia nanton man Jesús cachiquiri huacoinna.

Romanos 11:14

Uhuun caifori un yoimisi Upa Diosin ua matoqui nichini. Man unimaiton oincani afoanri mato shutipaitirofo Jesús icoinra huapaicaquin.

Santiago 3:14

Ascan man isharatamarocon maton nomuran fucashcoin icain futsa aya cuscan fipaifain man shinanchacafain mafi man apaiyai cuscan fustisi futsafo yonoquin. Anori shinanquin isca huayamacahuun. —Un Diosin tsain tapicoian. Un ahuun ointi cuscaracoinran, —iyamacahuun. Anori yoiquifin man futsafo paraincain maton nomuran man chaca shinain cuscan fusti huafain man ato fomanpai. Ascashufin man cacapaimisicoinfoquin.

2 Juan 1:1

Unquian, Juan, un fari ichapa icoinra huafo un aton cushumisi. Un mato cunu fomai man tapinon. Tsain icon non nicamisi cuscan nocon nomuran non nanupacunaca. Ascan nanno ichananfo Upa Diosin mato catonni urifi matohuun noicoin. Urus fustima. Jesús icoinra huaa futsanfori matohuun noicoin.