1 Samuel 9:21 - Sharanahua: Diospan Tsain

²¹ Cumani, —Unfin Benjamínfo aton caifoquin. Non icai cuscacai rato Israeli futsafo aafoma non ica cuscan. Nonfin ichapama sharacaiquin. Nan uhuun yorafo fucai non ahuama ishon yoiaiton. ¿Ahuuscai mian anori yoimun? —ishon Saúl cumani.

1 Samuel 9:21 Referans Kwoze

1 Samuel 15:17

Ascaiton Samuel yoini isca huaquin, —Un ahuamaran ishon min shinanpaoni. Ascafia min natian nocon caifo Israelifo manifoti min nocon niaifo. Nocon Ifo Diosin nocon caifo ismayamua mia catoan min nocon niaifo inon.

Efesios 3:8

Shinancapon. Uncai ahuama. Nantifi Diospan yorafoan ua finoncoianfo. Ascafia Upan Diosin uhuun ramapaiquin ua catonni mani futsafo un tsain shara Cristohuunoa un ato yoinon. Aafi ahuun yorafo inain cuscan fasi sharacapacoin. Tsoancai ascara shara oinyomisima. Cristo noco shara huaquin futsai cuscacai tsoashta tapiyomisifoma.

Lucas 14:11

Ascan tsoa oinanpaimisi chipo Diosin ismashquin acai ahuacuma. Ascan tsoa oinanpaimisima naanfin yorafoan ointaifi Diosin yoitiro isca huaquin, “Ua chaima tsaoyohuu. Ufu nipashquin,” ishon yoishquiran, —Jesús ato yoini.

1 Samuel 18:23

Ascan Saúl ato yoini cuscan nannori David yoinifo. Ascaiton David cumani, —Un ahuuomacain uricai ahuama. ¿Ascan ahuuscashumun un niaifo Saúl ahuun raisi itiroquin? —ishon David cumani.

1 Samuel 18:18

Ascaiton David cumani isca huaquin, —Niaifon, ucai ahuama. Uhuun upa non uhuun yoraforicai min ahuama. ¿Ascan ahuuscashuco un min raisi itiromun? —ishon David Saúl yoini.

1 Samuel 10:27

Ascano nannoa nocofunu chacafoan fasi tsain chipunifo. Yoiquin isca huanifo, —Na nocofunucai ahuama. Aacai noco numatiroma, —icashu yoinannifo. Nantian Saulhuunoa shinanchacanifo. Nanfoancai ahuara futsan inanpaicoinnifoma. Aqui tsain chaca huafiaifoannocai Saúl puusinima.

1 Samuel 9:22

Nannori yoiaiton nicaquin Samuel Saúl ahuun oinmatiya pushu uhuapa muran iyoni. Nan niaifofoan acamaquishon piti ano Samuel nanno ato tsaonni. Nantian treinta yora tsaonifo.