1 Samuel 9:20 - Sharanahua: Diospan Tsain

²⁰ Nan burrofo osha rafu non fusti finoan funoitafo. Nan burrofohuunoa shinanchacayamahuun. Manfin fuchiafoquin. Un mia yoi min non min yorafo nan min caifo Israelifoan mia fuchipaicani min ato niaifo inon, —ishon yoiaiton nicaquin.

1 Samuel 9:20 Referans Kwoze

1 Samuel 8:5

Aqui nococatan yoinifo isca huaquin, —Min natian anifoshta. Min noco shara huapaoni cuscacai min facu rafucai ascarama. Nan rafutacai nocon Ifo Diosi tanafoma. Ascacun nan caifo futsafoan aton niaifo cuscaran catonhuun noco yononon, —icashu Samuelqui chaninifo.

1 Samuel 12:13

Ascafia oincapon. Natian nuno maton niaifo. Manfin Saúl catoanquin mato niaifo inon. Man yoca cuscan nocon Ifo Diosin mato niaifo inan.

1 Samuel 9:3

Ascan shafa futsa Cis ahuun burrofo funoni. Ascano Cis ahuun facu Saúl yoini isca huaquin, —Nocon oinmati futan burrofo funatahuun, —ishon apan yoini.

Colosenses 3:2

Ascacun Diosin fuchipaiyai cuscan nan fusti shinancahuun. Nanscacoinshcaquin. Ascan nuno mai ano yorafoan chaca huapaiyaifo cuscan marifi asca huapaiyamacahuun.

Salmos 62:10

Ato pui fianquin futsafo parayamacahuu. Ascashu ahuara ichapaya ipaiyamacahuun. Futsana onuashu cacapaimisi iyamacahuu. Man ahuara ichapayafiashon isca huaquin shinanyamacahuu, —Uhuun puihuunoashu un isharatiroran, —ishon anori shinanyamacahuu.

1 Samuel 12:15

Man nocon Ifo Diosin tanasharatamarocon nocon Ifoan noco yonopaiyai cuscan nicacasmafain ahuun tsainri man nicayamaiton nan maton shunifo onaintimani cuscan matorifi onaintimacoinshquin.

1 Samuel 8:19

Nan ato tapimapaisharafiaitocai ahuun tsain nicapainifoma. —¡Nanscanon! Norifi futsafoan aton niaifo cuscaran non fuchipai noco yononon.

1 Samuel 4:20

Ascano nan ainfo naiton ainfo futsan a fu icaton yoini isca huaquin, —Ratuyamahuun. Natian min furonanfacuyaran, —ishon yoini. Ascafia nan ainfoan yoiain cuscacai futsa cumanima. Afanancai cumatiro inima. Man naaquin.

1 Samuel 9:19

—Unfinquin. Nuno mapunyohuun. U futan machimamaquishon piishquin. Funamari catashquin. Nan min nomuran min tapipaiyai cuscan un mia nantifi tapimanon. Ascano min catiro.

1 Samuel 10:16

—“Min burrofo man fuchiaforan,” ishon noco yoiaran, —ishon Saúl apa futsa cumani. Ascafia Saulcai Samuel ahuun mapoqui shuni ocamana Israelifo niaifo inon ishoncai apa futsa tapimanima.