1 Samuel 31:2 - Sharanahua: Diospan Tsain

² Nantian Filisteofoan Saúl furu rafu non fustiya rutupaiquin ato mufaini. Atoqui nococashon nan Saúl facu rafu non fusti Jonatán non Abinadab non Malquisúa rutunifo.

1 Samuel 31:2 Referans Kwoze

2 Samuel 1:6

Pushcopan cumani, —Unfin nanno machi Gilboa anoshon oian Saúl ahuun ashin cocusamushon Filisteofo casho cuscaran taramutiyafo non caballofoyari aqui noco cuanaifoan.

1 Samuel 14:22

Nan Israeli futsafo Efraín mai nan machifo ano onuafoan nicanifo Filisteofo ichofoanfafainnaifoan nan Israeli onufiacashon cainnifoantan Filisteofo ato mufainifo ato rutui focaquin.

1 Samuel 13:16

Ascano Saúl yafi ahuun facu Jonatán non aton ranushumuafo Gabaa Benjamínfoan mai ano inifo. Nantianri Filisteo ranushumuafo Micmas ano inifo.

1 Samuel 13:2

Nan niaifoatian Saul, tres mil ahuun caifofo Israeli ahuun ranushumuafo catonni. Ascashon ranushumua futsafo aton pushu ano nichini. Nan tres mil a fu nituaino mil ahuun facu Jonatánya nichini Gabaa pushu rasi Benjamín mai ano fotanonfo. Nanno chaimashta mai machifo ahuun anu Betel. Nan dos mil ranushumuafo nituafo Saúl fu pushu rasi ahuun anu Micmas ano fonifo.

Éxodo 20:5

Nanscarafoquin ratoconun mai chachishon cufinyamacahuun. Uncaifin maton Diosiquin. Urus fustifin un maton Ifoquin. Manfin uhuun yorafoquin. Ahuara futsacai u fu maton diosi itiroma. Man futsa Ifohuapaiyaino man uhuun nomuran ua isinmatiro. Uncai ascarafohuunoa tapipaima. Man futsa ifohuaiton un mato onaintimatiro. Tsoan ua noicasmai aa non ahuun facufo non ahuun chata yafi ahuun shotafo non aton facufori un ato onaintimatiro.

1 Samuel 28:19

Tsain futsari mia yoi. Funamari nocon Ifo Diosin yonoshquiai cuscan Filisteo ranushumuafoan min non nantifi min ranushumuafori mato rutushquicani. Ascan funamari un icano min facufoya un fu iiquin, —ishon Samuel yoini.