1 Samuel 3:1 - Sharanahua: Diospan Tsain

¹ Ascano nantianri nan furonanfacu Samuel Elí yononi cuscan huashoni. Nanscahuahuunshon Samuel nocon Ifo Diosi ashomisi. Nantiancai nocon Ifo Diosin ahuun tsain tsoan tapiyonima. Fusti rasiton ahuun tsain nicanifo. Aton namapanhuunshon Diosin ato tapimapaiyai cuscan fusti rasi tapinifo.

1 Samuel 3:1 Referans Kwoze

1 Samuel 3:21

Nan Silo pushu rasi ano Diospan ichananti pushu muran nocon Ifo Diosin Samuelqui nocopaoni ahuun tsain tapimashquin. Ascano nocon Ifo Diosin Samuel tapimani cuscan ahuun caifo Israelifori tapimapaoni.

1 Samuel 2:11

Ascan cufintan Elcana yafi Ana aton pushu Ramá mai ano nasonifo. Ascan Samuel Elí nan Israelifohuunoa aton Ifo Diosi cufinmisi fu nituaino apa yafi ahua fu nasonima. Shafatifi ichananti pushu muran nocon Ifo Diosi yonopaiyai cuscan Samuel huashomisi.

1 Samuel 2:18

Ascan Samuelcai Elí facufo cuscarama. Nocon Ifo Diosin Samuel amapaiyai cuscan huani. Ascatan Israelifohuunoa nocon Ifo Diosi cufinmisifoan sahuumisi cuscaran nanscaracoinri Samuel sahuumani. Sahuuti ahuun anu lino sahuuni.

1 Samuel 3:15

Nan nicatan afanan Samuel nanno racani nan shafai chain. Ascashu funamari nocon Ifo Diosi pushu shoi caincaiti ano fupushoni. Nocon Ifo Diosi yoia cuscan Samuel ratuquicai Elí yoipainima.

1 Samuel 2:35

Ascatan un Israelifo cufinshomisi futsan catoin ua tana sharacoinon. Uhuun nomuran un shinain cuscan arifi nannori shinanon. Un nan yonoai cuscan huanon ahuun shunifori un shara huashoshquin nan aton niaifo un catoanton ato yonosharashquin. Nanfoan aton caifofo ua cufinshomisifo ipanaca.

1 Samuel 2:36

Ascano min funafo aqui fuopacufoancatan nan yoishquicani isca huaquin, ‘Nocori yonomapun non nocon caifohuunshon mia cufishomisi inon. Non ato futan yonoshon norifi piisharanon,’ ” —ishon yoishquiaifo cuscan nocon Ifo Diosin Elí yoini.