1 Samuel 28:6 - Sharanahua: Diospan Tsain

⁶ Ascatan nocon Ifo Diosi cufini ahua huatiromainquin tapishquin. Ascafiainocai nocon Ifo Diosin Saúl cumanima. Ahuun namapan yoiamafain ahuara futsafohuunoa yoiamafain Diospan tsain yoimisifoanricai Saúl tapimanima.

1 Samuel 28:6 Referans Kwoze

Números 12:6

—Na un mato yoiai cusca ua nicasharacahuun. Uhuun tsain yoimisi mato muran ica umain ahuu cuscaraqui un yoitiro. Ahuun namapanhuunshon iyamarai namapan cuscarahuunoa un yoipaiyai cusca un nan yoimisi.

Números 27:21

Ascatan un ato amapaiyai cusca Josué tapipai Eleazar ano catiro. Eleazar ahuun yorafohuunoa ua cufinmisiton ua yocashotiro. Ascano un Josué non ahuun caifo Israelifo amapaiyai cusca Eleazar Josué tapimatiro. Ascatari un chipo ato amapaiyai cusca Josué ahuun caifo Israelifo tapimatiro. Nan ato iyopaiquiri fotirofo. Ascatari nan ato ihuupaiyaiquiri futirofo. Nantonfin arus fusti ato yonotiroquin, —ishon yoini.

Santiago 4:3

Ascashon Dios cufifiaquin man amaquiri yocaitocai. Asca Diosin mato ahua inantiroma. Mafi man apaiyai cuscan fustisi amupaimisi. Man ascaitocai mato ahua inantiroma.

Juan 9:31

Non tapiafin yoran chaca huamisicai Diospan nicapaitiroma. Ratoran Diosin tanasharafain yoia cuscan aitonfin nanscarafo Diosin nicatiroquin.

Mateo 1:20

Nanscara ahuun nomuranshon shinanfiaino ahuun namapan Diosin ahuun oinmatinin afu nai muran imisi aqui oshon yoiquin isca huani, —José minfin David funaquin. Ascacun shinanchacaquima María fihuu. Nan facu nanuafin Diosin Yoshin Sharapan nanumanaquin.

1 Samuel 28:5

Ascaifoan oin Saúl Filisteo ranushumuafo ichapacoin oin fasi ratucoinni.

1 Samuel 28:15

Ascan Samuel Saúl yoini isca huaquin, —¿Ahuuscai mian fucash huaquin ua funimanamun? —ishon yocaiton. —Uhuun nomuran un fasi omitsiscai. Filisteofoan noco rutupai fuafo. Un nocon Ifo Diosi yocapai non ahuusca huatiromainquin. Uacai afanan ahua yoima. Ahuun tsain yoimisihuunshon ua yoiamafain uhuun namapan ua yoiama. Ascan un mia cuna un atiro cuscan mian tapimanon, —ishon Saúl yoiaiton.

2 Samuel 22:42

Ua noicasmaifo cunacani futsan ato numanon. Ascafiaitocai tsoan ato numai oama. Ascaino nocon Ifo Diosiri cunafiaifono arificai ato cumanima.