1 Samuel 28:12 - Sharanahua: Diospan Tsain

¹² Ascatanaino samamashta Samuel fuchitan ainfo fasi fiisicaiton Saúl yoini isca huaquin, —¡Min ua paran! ¡Minfin Saulquin! —ishon oi ashcafinin yoini.

1 Samuel 28:12 Referans Kwoze

1 Samuel 28:3

Nantianri Samuel nano Israelifoan fasi shinancani uainifo. Samuel cainni Ramá mai ano mai huanifo. Nanscaifoannori Saúl yononi tsoacai yoshin chacahuunoashu namisifo aton yoshin funimatiroma a fu tsainshquin. —Nan namisifo fu tsaincafocai Israeli mai ano itirofomaran, —ishon Saúl ahuun caifofo yononi.

Génesis 29:25

Ascan iyoconaino Jacob moiquin oian Raquel fu oshatamarocon Lea fu ica ini. Ointan Labán ano cashon yoini, —¿Ahuuscai mian asca huamun? Unfin mia yonoshonaquin Raquel fiishquin. ¿Ahuuscai mian paranmun? —ishon yocaiton.

1 Samuel 28:11

Nannori nicatan ainfoan cumani, —¿Tsoan ahuun yoshin un mia cunashotiromun? —huaiton. —Ua Samuel cunashohuun, —ishon Saúl yoini.

1 Samuel 28:13

Ascaiton Saúl ainfo cumani, —Ratuyamahuun. Min oiain cuscan ua tapimahuu, —ishon Saúl yoiaiton. —Un oian yoshin mai murannoashu oaishafai un icaran, —ishon ainfoan yoiaiton.