1 Samuel 28:1 - Sharanahua: Diospan Tsain

¹ Nantian Filisteofoan aton ranushumuafo ichanannifo Israelifo rutushcaquin. (Nantianri David yafi a fu rafuafo Filisteofo fu iyopaonifo Saúl David rutunonma.) Ascan Filisteofoan aton niaifo Aquís David yoini isca huaquin, —David, man min tapia mi fu icafo no fu cai non Israelifo rutuicaino no fu focaniran, —ishon yoiaiton.

1 Samuel 28:1 Referans Kwoze

1 Samuel 17:1

Nantian Filisteofoan aton ranushumuafo ichanannifo Israelifo rutunainfono. Nan pushu rasi Soco Judá mai anoa Azeca ano ichanannifo. Ascan nan mai anunifo Efes-damimran ishon yoinifo.

1 Samuel 13:5

Ascano nantiari Filisteofoan aton ranushumuafo ichanannifo. Tres mil taramutiya ichanan huafain seis mil caballoya ichanan huafain nan ranushumua atirifi tsoancai ato tanan huatiroma ato fu pushu rasi Micmas nan fari oaiquiri Bet-avén ano chaimashta ichanannifo.

1 Samuel 7:7

Nanscaifoan Filisteofoan nicani Israelifo Mizpa ano ichanainfoan. Ascashon aton niaifofoan aton ranushumuafo ichanan huani Mizpa mai ano focashon Israelifo rutunonfo. Nan nicacani Israelifo ratucoinnifo. Ascashon Samuel yoinifo isca huaquin, —Nocon Ifo Diosi noco cufishonfafainhuun Filisteofoan noco ahuusca huanonfoma, —ishon Samuel yoinifo.

1 Samuel 31:1

Ascan iyoconaino Filisteo ranushumuafoan Israeli ranushumuafo rutunancaquin Filisteofoan shuhuinifo. Ascan Israeli ranushumuafo ichonifo. Ichocani atirifi Gilboa machi ano Filisteofoan ato mufain ato rutunifo.