1 Samuel 26:21 - Sharanahua: Diospan Tsain

²¹ Saúl cumani, —Unfin chaca huaquin. Uhuun facushta David, uqui nasohuun. Min uhuunoa shinansharaquifin min na shafata ua rutuamaquin. Ascan un afanan mia ahuusca huaima. Un mihuunoa shinan cuscan fasi chaca. Un fasi amaquiri shinan. Un nisofoan shinainfo cuscaran shinanmisiran, —ishon Saúl yoiaiton.

1 Samuel 26:21 Referans Kwoze

1 Samuel 24:17

Ascan afanan Saúl yoini, —Min sharafiano uncai sharama. Mian shara huafiaino un mia chaca hua.

1 Samuel 15:24

Nicaquin Saúl cumani, isca huaquin, —Icon, mun chaca hua. Nocon Ifo Diosin ua yonoa cuscan un huayamafain min ua tapima cuscan un aama. Uhuun caifofoan ua apaiyai cuscan un atoqui ratua. Ascacun ua yoiafo cuscan un hua.

Éxodo 9:27

Ascaiton oinquin Faraón Moisés yafi Aarón tsain fomani aqui fononfo. Ascano ato yoini, —Natian mun tapia un chaca hua. Ifo Diosin icon fusti yoimisi. Un uhuun yorafoyashon amaquiri un shinanmisi.

Mateo 27:4

—Unfin chaca huaquin. Jesuscai ahua chaca huayamafiamisicun un ato parashon achimanaran, —ishon ato yoiaiton. Cumanifo, —Ahuuscaquitsi min noco anori yoiyoa. Noncai ascara tapipaima. Mififin min shinanquin, —huaifoan.

1 Samuel 15:30

Afanan Saúl yoini, —Mun tapia un chaca hua cuscan. Ascafiacun uhuun yorafoan aton niaifo patasharinoafo non nantifi nocon yorafoan ointaifin u fu capun min Ifo Diosi cufishquin uhuunoa shinansharanonfo, —ishon Saúl yoini.

1 Samuel 26:24

Un minhuunoa shinansharaquin mia un rutupaima. Nanscarifi ai nocon Ifo Diosin uhuunoa shinansharapainon ahuarafoan ua omitsiscamaiton ua numanon, —ishon David yoiaiton.

1 Samuel 18:30

Ascatari David nantifi Israelifoan ato ranushumua niaifofo finoncoian. Nanfoan noicasmacaquin rutunifo cuscan David paratama rutuni. Ascashon nantifi ahuun caifo Israelifoan Davidhuunoa nicasharafain ahuunoa shinansharanifo.

1 Samuel 26:22

—Naquian min ashi. Min ranushumua pushco futsa nichihuun fiyonon.

1 Samuel 13:13

Nannori yoiaiton nicaquin Samuel Saúl cumani, —¡Ohuashta! Min fasi amaquiri chaca shinan. Mia nocon Ifo Diosi yonoa cuscacai min huama. Nan mia yonoa cuscan min huaino nocon Ifo Diosin mia non min facufo non min funafori Israelifoan aton niaifo imapacucuana.