1 Samuel 2:4 - Sharanahua: Diospan Tsain

⁴ Futsan futsafo finoncoinpaoni natiancai afanan finontiroma. Ascano futsafocai curush iyopaonima natian mutsisipa sharafo.

1 Samuel 2:4 Referans Kwoze

Salmos 37:15

Ascafia nanfocaifin afiri aton nopun rutushquicaniquin. Ascaifoan futsafoan aton piacatifo ato tucumishtipacushquin.

Filipenses 4:13

Cristo ahuun curushu ua inainton nan curushhuunshon ahuara ahuu cuscararan futsan un atiroquin.

Salmos 46:9

Maifoti rutunainfoan Diosin ato unumatiro afanan rutunanonfoma. Nantofin aton piacatifo tucufain ashifori ato tucumishtipacushquiquin. Taramutifori cooi futsushquin afanan ahuun rutunanonfoma.

Hebreos 11:34

Ascan atirifi niaifo chacapan futsafo yonocun ato chi uru muran potamafiafo Diosin ato cushushara coinni coononfoma. Atirifi ato nopun rutupaifiaquicai tsoan ato anima. Ascano atirifi shaca fuacai isininfiaifoan Diosin ato mutsismani. Ascanocai nan ato noicasmaifoan ahuun ranushumuafo atoqui fufiaifoan nanfoancairocon Diosin curushhuunshon ato ichonifo ato ahuusca huanonfoma.

2 Corintios 12:9

Un asca huafiaiton nocon Ifoan ua cumaquin isca huani, —Un mihuun noi. Uhuun curushhuunshon nan pau min tunutiro. Un mifu rafucacaini. Nan fusti min yopai. Min mutsispamafiacun un minhuunshon un ato ismatiro un ahuamamishti huatiroran, —ishon ua cumani. Ascacufin unimaquin un yoifafainicai isca huaquin, —Un mutsisipamafiacun uhuun Ifo ahuun curushu ua inantiroran, —ishon un yoishquin. Ascano Cristo ahuun curushu ua inantiro.

Salmos 37:17

Nan chaca huamisifofin aton curushu ato samamashta shatushquiquin. Ascan nocon Ifoan nan ahuun yora sharafo cushupacunaca.

Efesios 6:14

Mato yoia cuscan ranushumuafo itishara cuscan marifi itisharacahuun nan yoshin chacafo matoqui nocoshon mato chaca huamapaiyai cuscan huashquima. Upa Diosin mato imapaiyai cuscan fusti acahuun itisharashcaquin. Iquisi ranushumuafo ato nanushumuti yopacani aton camisa nonoaino pacushcaquima. Nanscarifiai man icocoiaino yoshin chacanun mato pacumatiroma. Ranushumuafoan ahuun cuno sahuuti shofucumua sahuumisifo nan noicasmaifoan aton ashin ahuun ointiqui tsacanonma. Marifi Diosihuunoashu isharacahuun yoshin chacafoan maton ointi chaca huanonma.

Hebreos 11:32

¿Ascan ahua futsamun un mato yoitiroquin? Yora ichapafoanri Upa Dios icoinra huapaonifo. Nanfohuunoa un mato yoipaifiaquicai un mato yoiqui nocotiroma. Nan Gedeón non Barac non Sansón non Jefté non David non Samuel non Israelifo Dios yoia cuscan yoimisi futsafohuunoari un mato yoipanan uncai yoiquin nocotiroma.

Salmos 46:10

Ascano nocon Ifo Diosin yoiquin isca huai, —¡Puusiyamacahuun! Unfin Diosiquin ua tapicahuun. Nantifi manifotiton uhuunoa yoishquicani unmain Diosicoincunfin. Unfin nantifi finoncoianquin, —ishon Diosin yoini.