1 Samuel 2:26 - Sharanahua: Diospan Tsain

²⁶ Ascashu nan furonanfacu Samuel yosisharani. Nocon Ifo Diosin oiain cuscan yorafoanri oinnifo Samuel furonanfacu shara ini. Ascacun ahuunoa yoisharanifo.

1 Samuel 2:26 Referans Kwoze

Lucas 2:52

Ascashu Jesús pushcosharacoinni. Diosin ahuun shinanpan shinanmasharamanaino mapo sharayacoin ini. Ascacun Apa Diosin ahuunoa shinansharaquin yoini isca huaquin, —Uhuun facun Jesús fasi sharacoin. Un ahuun noicoinran, —ishon yoini. Yorafoan arifi Jesushuunoa nannorisi shinannifo.

Lucas 2:40

Nannoashu facu mutsisipacoin yosini. Shafatifi ahuamamishti tapicoinfafaini. Diosin ahuun noiquin shara fusti huamafafainni.

Romanos 14:18

Nocon Ifo Jesús non yonoshosharaino Upa Diosin nocoqui fasi unimasharatiro. Yorafoanri nocohuunoa shinansharatirofo.

Hechos 2:47

—Upa Diosin min shararan, —ishon huapaonifo. Nantififain atohuunoa yoinifo, —Jesús icoinra huafoan shararan, —huanifo. Ascatari nocon Ifohuunshon shafatifi futsafoanri ato futan Jesús icoinra huanifo. Ato fu ichanannifo.

1 Samuel 2:21

Ascan nocon Ifo Diosin Ana shara huani furonanfacu rafu non fusti inanfain ainfacu rafuri inanni. Nantianri Samuel nocon Ifo Diosi apaiyai cuscan huashopaoni.

Lucas 1:80

Ascashu nan Juan facu pushcocoin sharani. Ascashon shara fustisi tanapaiquin ahuun nomuran Diosin tsain shara nanucoinni. Tsoa istaipama anori iyopaoni ahuun caifo nan Israelifo Diosin tsain yoiquin tau huaitian.

Génesis 39:4

Ascacun fasi aqui unimacoinni. Nanscaiton niaifo huani. Nanton Potifar ahuun pushu anoa ahuun ahuarafo yonoa ini.

1 Samuel 3:19

Nan Samuel yosiatian nocon Ifo Diosin a fu ipaoni. Nocon Ifo Diosin Samuel inonpacoai yoini cuscan nanscaracoin finonni.