1 Samuel 2:10 - Sharanahua: Diospan Tsain

¹⁰ Tsoan nocon Ifo Diosi noicasmaquin aqui chaca huaiton Diosin ato omitsiscamacoin. Diosin nan icanoshon ahuun tsain curush turuica nicatsa ato shatumashquin. Nocon Ifo Diosin nantifi manifoti anoafo ato yoipacushquin isharamisifo iyamarai chaca huamisifo. Nan Diosin catoan fusti ato niaifocoin iishquin. Diosin ahuun curush nan niaifo inain. “Nanfin mato niaifocoin. Uhuunshon mato iquiniran,” ishon nocon Ifo Diosi nan niaifohuunoa nantifi yorafo yoishquiran, —ishon Anapan cufini.

1 Samuel 2:10 Referans Kwoze

Salmos 2:9

Minfin ato curushcain iiquishquicain. Ascan nan mai cuti non potaino samamashta moshi futsutiro. Nan cuti moshi futsuacai tsoashtan afanan ahuuscashon shara huatiroma. Nanscarifi aquin nan yoitimamisifo min ato onaintimanaitiancai tsoashta ato numatiromaran,’ ” —ishon Ifoan niaifo catonshon yoini.

Éxodo 15:6

Ifo Diosin minfin min curushhuunshon min ahuamamishti huatiro cusca man oianfo. Min curushu fasi sharacoin man oianfo. Nan noco noicasmaifo min ato onaintimacoian afanan ninonfoma.

1 Samuel 7:10

Ascano nan Samuel chashoanun facu cooaino Filisteofo atoqui chaimashta funifo Israelifo rutupai. Ascafia nantian nocon Ifo Diosin nai turuimaqui fasi achacoin huaiton nicain Filisteofo fasi ratucoincani ichonifo. Ascaiton oincaquin Israelifoan ato mufaintan atirifi Filisteofo ato rutunifo.

Lucas 19:27

Ascashon nanfoanfin ua noicasmacaquin yoiafoquin, ‘Noncai mia niaifo huapaimaran,’ ishon uhuunoa yoiafo. Ascacun ato ihuucahuun uhuun ointaifi ato rutushcaquin,” ishon yoiniran, —Jesús ato huani.

Mateo 28:18

Ascano nocoqui chaimashta oshon noco yoini, —Uhuun Upa ua yonoa nantifi nai ariafo yafi mai anoafori un yononon.

Salmos 2:6

Ascacun Ifo Diosin yoia, —Un niaifocoin catonni Jerusalén ano nantifi ato iquinon. Unfin Jerusalén catoanquin nanno iishquin. Nan un Jerusalén machi ano icainofin fasi sharaquin.

Salmos 2:2

Manifoannati aton niaifofo non niaifo patasharinoafori ichanancani nocon Ifo Diosi yafi Furun Cristo potapaicani.

2 Corintios 5:10

Ascan nan non icoinra huafoti Cristoqui non nocoshquin. Nantianri noco yoipacushquin non mai ano niyoshon shara huayamaraquinmain non chaca huamisiquin. Non ahuara shara huamisicun ahuara sharacoin noco inanshquin. Asca non ahuarashta chaca huamisicun ahuara shara noco inanpaifiaquicai noco inantiroma. Ascashu funoshcani.

Hechos 10:38

Ascan man man nicamisi Juan cachiori Jesús oni. Upa Diosin ahuun Furun Jesús ahuun Yoshin Shara nichian afu rafunon ahuunshon ahuamamishti yora atiroma cuscan anon. Ahuara sharafo huafoanfafaini. Upa Diosin afu imisi nantifi yora yoshin chaca ato yonoaiton atomaquinoa potani.

Hechos 4:27

Nanscarifi atan nan niaifo rafu Herodes yafi Poncio Pilaton Israeliyamafiashu nocon caifo Israelifo fu ichanaintafo min Furun nan min oinmati Jesús min catonni chaca huashcaquin.

Lucas 1:69

Diosin nocon Numamisi nan ahuamamishti huamisi nocoqui nichian. Noco shunifoan aton niaifo David ipaoni. Nanton ahuun funa nocoqui nichian noco niaifocoin ipashanon.

Mateo 25:34

Ascatan un Niaifoshon nan ua tanamisifo un yoiqui isca huashquin, “Uqui fucahuun. Uhuun Upa Diosin mato unimamanon. Nan mai onihuaitian matohuunoa shinanquin isca huani, ‘Un icano un ato iquimanonpacoi uhuun yorafo inonfo. Uhuunafori atona inonpacoiran,’ ishon Upa Diosin shinanyoni.

2 Samuel 22:14

Ahuun oi turuica nicatsa. Nocon Ifo Diosin tsoancai finontiroma fasi oi ashcafinin nan ua noicasmaifo ato mustaimani.

1 Samuel 16:1

Ascan nocon Ifo Diosin Samuel yoini isca huaquin, —Mun yoia Saulcai afanan Israeli niaifo itiroma. Ascan afanan ahuunoa shinanyamahuun. Min moi masho muran shuni manuhuun. Asca huatan Belén pushu rasi ano catahuun. Nanno a nocofunu Isaí icano catahuun. Ahuun furun futsa un catoan Israeli niaifo inon, —ishon Diosin yoini.

1 Samuel 15:28

Ascan Samuel yoini, —Min uhuun sahuuti fashnua cuscan nanscarifi huaquin Ifo Diosin mia shatumana min afanan niaifo inonma. Upa Diosin min caifo futsa niaifo imanon. Aafin nocofunu sharacai mia finoanquin.

1 Samuel 12:18

Ascashon nan Samuel cufian cuscan nan shafata nocon Ifo Diosin cana pishimafain oinhuanrasi fumariscatani. Ascaino nantifi Israelifoan shinanni isca huaquin, —Tsoa futsacai nocon Ifo Diosi cuscarama. Atofin ahuamamishti huatiroquin. Nocon caifo murancai tsoa futsa Samuel cuscarama. Nocon Ifo Diosi cufian cuscan nicacointiroran, —ishon yoinifo.

1 Samuel 12:13

Ascafia oincapon. Natian nuno maton niaifo. Manfin Saúl catoanquin mato niaifo inon. Man yoca cuscan nocon Ifo Diosin mato niaifo inan.

1 Samuel 12:3

Unfin natian nuno noco Ifoan Diosi ointaifi non nocon niaifoan nan nocon Ifo Diosin catoan ahuun ointaifin un nia. Ua yoicahuun. ¿Unmain tsoan moi onunfain tsoan burro onunfain un tsoan paramisiquin? ¿Ascashomain un yorafo omitsiscamamisiquin? ¿Ascatari tsoan ua pui inanmun un mato fomanmisiquin ratoran futsa chaca huashquin? Un ratoran futsa chaca huamainquin ua yoicahuun un nanfo shara huanon, —ishon Samuel nannori ahuun caifo Israelifo yocani.

1 Samuel 12:17

Man man tapia nan non nocon fanafo non chituaitiancai oi fuama. Ascafia un nocon Ifo Diosi na shafata cufin turuimafain oi fumanon. Nocon Ifo Diosin nan acai cuscahuunshon man tapitiro man fasi Diosqui chaca hua niaifo futsa noiquin. Nan niaifo futsacai Dioscoinmaran, —ishon Samuel ato yoini.