1 Samuel 18:5 - Sharanahua: Diospan Tsain

⁵ Ascan nantifi Saúl yonoa cuscan David nanscacoin huashoaiton oin Saúl aqui unimaquin yoini, —Natian min ranushumuafoan aton niaifo patasharinoa min iquiran, —ishon yoini. Saúl David niaifo hua oincani nantifi Israelifo unimanifo. Ascanori ranushumuafoan niaifofori unimani.

1 Samuel 18:5 Referans Kwoze

1 Samuel 18:30

Ascatari David nantifi Israelifoan ato ranushumua niaifofo finoncoian. Nanfoan noicasmacaquin rutunifo cuscan David paratama rutuni. Ascashon nantifi ahuun caifo Israelifoan Davidhuunoa nicasharafain ahuunoa shinansharanifo.

Colosenses 4:5

Ascashon Jesús icoinra huamafo fu icaquin ato ismasharacahuun man ishara cuscan. Ascashon man atoqui nocoaitifi Jesushuunoa yoisharafafaincahuun.

Efesios 5:17

Ascacun amaquiri shinanyamacahuun. Ascatamarocon Diosin mato amapaiyai cuscan nan fusti tapicahuun.

Hechos 7:10

José omitsiscafiaiton Upa Diosin numani ahuun nomuran shinansharamani. Ascano Egipcio niaifoan Faraón fasi José fuchipaipaoni. “Min niaifo patashari itiro. Nantifi uhuun yorafo non uhuun caifo min ato nantifi yonotiroran,” ishon Egipcio niaifoan José yoini.

Mateo 10:16

Chashoanfo masharonun pipaitiro. Nanscarifiai nan icoinra huamafoan mato chaca huapaitirofo. Ascafia nanfo muran un mato nichi. Ascacun nan rono onanya cuscara marifi icahuun. Ruhuincai ahua shinanchacamisima cuscan marifi nanscarifi isharacahuun.

Salmos 1:3

Nanscarifi ai nan ihui unu chaima fana cuscaran non itiro. Unu chaima ihui fanashu ahuun fimi ichapaya itiro. Ascashu ahuun puiricai tsasipacunacama. Nanscarifi ai non nocon Ifo Diosi tana sharashu non isharacain non futsafori ato shara huashotiro. Nantifi non acai cuscan sharacoin iishquin.

1 Samuel 13:2

Nan niaifoatian Saul, tres mil ahuun caifofo Israeli ahuun ranushumuafo catonni. Ascashon ranushumua futsafo aton pushu ano nichini. Nan tres mil a fu nituaino mil ahuun facu Jonatánya nichini Gabaa pushu rasi Benjamín mai ano fotanonfo. Nanno chaimashta mai machifo ahuun anu Betel. Nan dos mil ranushumuafo nituafo Saúl fu pushu rasi ahuun anu Micmas ano fonifo.

Génesis 39:23

Atohuunshocai shinanchacanima Josémain nantifi cushucun. José aca cuscan nantifi sharacoin ini Diosinmain amayamaiton.

1 Samuel 18:4

Nannori yoiaiton Jonatán ahuun sahuutifo inanfain ahuun nopu yafi piacati inanfain ahuun nanushumutiri David inanni nan ahuun noiyai cuscan ismashquin.

1 Samuel 18:6

Ascan David nan Filisteo Goliat rutuano Israeli ranushumuafo aton pushu ano nasonifo. Pushu rasi anoafo Israeli ainfofo fai cusumunrinoashu fanainyanan manutifo manunifo. Nan manutifo ahuun anu pandero non platillo manuyanan unimacani mononifo.

1 Samuel 18:16

David ranushumuafoan aton niaifo shara ini. Ascashon ato tapimani nan noicasmaifoan ahuusca huanonfoma. Ascainori nantifi Israelifo non Judáfoanri fasi David fuchipainifo.

2 Samuel 5:2

Saúl noco niaifo iyopaonifiashon min nocon ranushumuafo iyoni noco numanon. Nocon Ifo Diosin mia yoini isca huaquin, “Min uhuun yora Israelifo cushushquin aton niaifo min iishquiain,” mia yoiniran, —ishon Israelifoan David yoinifo.

1 Samuel 3:19

Nan Samuel yosiatian nocon Ifo Diosin a fu ipaoni. Nocon Ifo Diosin Samuel inonpacoai yoini cuscan nanscaracoin finonni.

2 Samuel 5:10

Ascan nocon Ifo Diosin David fu imisi ahuunshon futsafo iquiquin finacaimisi. A tsoan finontiroma ipaoni.