1 Samuel 17:32 - Sharanahua: Diospan Tsain

³² Ascano David Saúl yoiquin isca huani, —Niaifon, nan Filisteon noco caifofoqui noco ratumapai. Un nantifi uhuun yorafo yoipai nan Filisteo cuyamasoaqui ratunonfoma. Unfin min oinmatiquin. Un na nocofunu cuyamasoaqui un catiro rutushquin, —ishon yoiaiton.

1 Samuel 17:32 Referans Kwoze

1 Samuel 16:18

Futsan nica cuscan yoini. —Niaifon, mun nican Isaí pushu rasi Belén ano ica ahuun facu futsan manuti fasi tapisharacoian tsain shara yoifafainni. Ascanori nan pushcohuai ahuaqui ratuyamacain mutsisipa shara ahuun fuso fupishtacoin. Nocon Ifo Diosi a fu icaran, —ishon yoini.

Números 14:9

Ascacun nocon Ifoan noco yonopaiyai cusca potayamacahuun. Ahuun tsainri icoinra huacahuun. Nan mai ano yorafo icafoqui ratuyamacahuun. Nonfin ato finontiroquin ato rutuqui futsashquin. Nocon Ifo Diosin no fu ica. Nanscacun nanfoancai noco ahuusca huatiroma nococai tsoan rutuima. Ascacun ratuyamacahuun, —ishon Josué futan Caleb ato yoini.

Hebreos 12:12

Ascacun ahuara ahuuscarafiaino shinanchacayamacahuun. Upa Diosin mato tapimapaiyai cuscan nan fusti tapicahuun. Ascashon Jesús tanaquin unupaitama nicasharafafaincahuun. Ascatari ahuun tsain sharaquin mutoyamacahuun.

1 Samuel 14:6

Ascashon Jonatán a fu yonomisi yoiquin isca huani, —Non unu pocufaini canon nan nocon Ifo Diosi nan Filisteofo icoinra huafoma ano non canon. Nanno non oincanon. Nocon Ifoan noco ashoaitoraca non ato rututiro. Ahuara futsacai nocon Ifo Diosi amatima huatiroma ahuun yorafo numanon. Nantofin yora fusti iyamarai yora ichapafohuunshon futsafo finoncointiroquin, —ishon yoiaiton.

Números 13:30

Ascano Israelifo Moisés ahuun ointaifi nantifi ahuun caifo ichanannifo nan rama ointafo cuscan ato yoiaifoan nicanifo. Ascano nantianri Caleb ato yoisharani ratunonfoma. Ato yoiquin isca huani, —¡Ratuyamacahuun! Non afanan nan mai shara ano fononfocahuun. Nan icafo ano non ato rutushon non aton mai fiinon, —ishon Caleb ato yoini.

1 Samuel 17:31

David yoiai cuscan nanno niafoan niaifo Saulqui chaninifo. Ascano Saúl futsa nichini David aqui onon.