1 Samuel 15:9 - Sharanahua: Diospan Tsain

⁹ Ascan Saúl yafi ahuun ranushumuafo Agag niaifo rutuyamafain nan chashoan sharafosi rutuyamafain moi sharafo non moi cahua shoa sharafo non chashoan cahuashara nan ahuara fuchipaicoiainfo cuyopaitamarocon ato cushunifo. Ascan ahuara chacafo non ahuamafo cuyonifo.

1 Samuel 15:9 Referans Kwoze

1 Samuel 15:15

—Ranushumuafo Amalec anoashu fuafo. Nan chashoan sharafosi catonshon moi sharafori catonpacushon. Ascashon chipo man rutui min Ifo Diosi inain cafisca huashquin. Nansca huaquin ahuun yorafo oinmanon. Ascafia ahuara futsafo rutufain non mafo non pushufo yafi non coaquin cuyoaran, —ishon Saúl cumaiton.

1 Samuel 15:19

¿Ascacun ahuuscai min nocon Ifo Diosi nicacasmamun? ¿Ahuuscai min samamashta ahuara sharafo non ina sharafori min fiamun? Nantifi coaquin cuyohuun nocon Ifo Diosin mia hua. ¿Ahuuscai nocon Ifoan ointaifin min chaca huamun? —ishon Samuel yoiaiton.

1 Samuel 15:3

Natian min ranushumuafoya ato ano fotacahuun ato nantifi rutuqui cuyononfo. Nantifi Amalecitafo cuyocahuun. Nocofunufo rutufain ainfofo rutufain facufo rutufain facumishtifo rutufain nantifi inafo moifo non chashoanfo non camellofo non burrofo non nantifi rutuqui futsashcaquin,” ishon nocon Ifo Diosin mia yonoaran, —ishon Samuel Saúl yoiaiton.

Josué 7:21

Non Jericó mai ano cuyoaitian un oian sahuuti fasi sharacoin mai futsa Babilonia anoshon futsan Jericó mai ano fuaiton un oian. Nan ahuara shara un oian nan doscientos toro cuno oshopa facafacaitsa oinfain oro medio kilo un oian. Un fasi nanfo fuchipaicoinquin un nanfo fishon un onua. Natian uhuun pano pushu muran un mai hua. Nan sahuuti fasi sharacoin un mai hua nonanmanri un oro medio kilo non doscientos toro oshopafo facafacaitsa un mai huaitaran, —ishon Acán Josué yoini.

1 Samuel 15:10

Asca huashon nocon Ifo Diosin Samuel yoini isca huaquin,

Josué 6:18

Ascafia nannoa ahuara futsafo nantifi cuyoi futsushquin. Ascacun ahuara fiiyamacahuun matona inon. Tsoan nansca huaifin arifi naiquin. Norifi ahuunoashu nantifi Israelifo non omitsiscatiro.

1 Samuel 28:18

Mia yonoa cuscacai min huanima. Nocon Ifo Diosin Amalecitafoqui fasi sinacointaqui mia yonoa, “Amalecitafo cuyohuun,” mia huafiainocai min anima. Ascan natian nocon Ifo Diosin mia onaintimai.

Mateo 26:9

Nan ininti ocatama inanmitsashon ahuun rafanan pui fishon nan yora ahuuomafo inanshara icuanaran, —icashu non yoinanni.