1 Samuel 15:13 - Sharanahua: Diospan Tsain

¹³ Nannori nicatan Saúl icano Samuel cani. Aqui nocoaiton Saúl yoini isca huaquin, —Nocon Ifo Diosin mia shara huanon. Nocon Ifon ua yonoa cuscan mun huaaran, —ishon yoiaiton.

1 Samuel 15:13 Referans Kwoze

Lucas 18:11

Nan Fariseo ninacahuan cufiqui isca huani, “Uncai tsoa cuscarama. Unfin nocofunu sharaquin. ¡Aichoran! Upa Diosin, uncai na nocofunu niaifo pui fishomisi cuscarama. Uncai yora chacafo cuscarama. Unricai yomutsoma. Uncai tsoa paratiroma. Unfin yora futsa shara huatiroquin. Uncai uhuun ahuinma furi imisima.

Lucas 17:10

Nanscarifiai Diosin mato yonoa cuscacoin aquin marifi yoicahuun isca huaquin, “Noncai ahuama. Nofi tau huafaincai non acama. Nocon Ifoan noco yonoa cuscan non acaran,” ishon yoicahuun, —Jesús ato huani.

1 Samuel 15:11

—Saúl ua tanasharayamafain un yonoa cuscan afanan ua nica sharaima. Ascan uhuun nomuran mun fasi shinain. Un Saúl catonyamani niaifo icama shara icuanaran, —ishon nocon Ifo Diosin Samuel yoiaiton nicaquin Samuel arifi fasi shinancoinni. Yamutishon nocon Ifo Diosi cufinshini.

1 Samuel 15:9

Ascan Saúl yafi ahuun ranushumuafo Agag niaifo rutuyamafain nan chashoan sharafosi rutuyamafain moi sharafo non moi cahua shoa sharafo non chashoan cahuashara nan ahuara fuchipaicoiainfo cuyopaitamarocon ato cushunifo. Ascan ahuara chacafo non ahuamafo cuyonifo.

Génesis 14:19

Asca huatan Melquisedec Abram yoiquin isca huani, —Nocon Diosin nantifi finoncoian. Nanton nantifi onihuani. Nantifi mai anoa oni huafain nai murannoafori oni huani. Abram, Diosin mia shara huanon. Upa Diosin nantifi finoncoian fasi sharacoin. Ahuunshon nan mia noicasmafo min ato finonfain ato min achiaran, —ishon Melquisedec Abram yoini. Ascaiton Abram nantifi aya cuscan fusti rasi Melquisedec inanpacuni.

Génesis 3:12

—Munfin piaquin. Nan na ainfo mian inantofin ua aaquinaqui, —huaiton.

1 Samuel 13:10

Ascano man ina coaquin cuyoano nantianri Samuel atoqui nocoshon Saúl yoiquin isca huani, —¡Aicho! Man min nocoiran, —ishon Saúl yoini.

1 Samuel 15:20

Saúl cumani, —Ascan nocon Ifo Diosin ua yonoa cuscan mun huaa. Ua nichia cuscan mun caa. Un nantifi Amalecitafo rutuqui cuyoa. Aton niaifo Agag fusti un ihuua.