1 Samuel 14:13 - Sharanahua: Diospan Tsain

¹³ Ascano nan rafu ahuun mucu futan ahuun tau yatashu manhuanhuan mapuininifo. Jonatán rucu caino ahuun yonomati acachori cani Filisteofo ano nococashon ato ichapacoin rutunifo.

1 Samuel 14:13 Referans Kwoze

Hebreos 11:34

Ascan atirifi niaifo chacapan futsafo yonocun ato chi uru muran potamafiafo Diosin ato cushushara coinni coononfoma. Atirifi ato nopun rutupaifiaquicai tsoan ato anima. Ascano atirifi shaca fuacai isininfiaifoan Diosin ato mutsismani. Ascanocai nan ato noicasmaifoan ahuun ranushumuafo atoqui fufiaifoan nanfoancairocon Diosin curushhuunshon ato ichonifo ato ahuusca huanonfoma.

Romanos 8:31

¿Noco asca huasharaino non raquiri yoitiromun? ¿Upa Diosin noco shara huafafainaino futsafoan noco raquiri huatiromun?

Josué 23:10

Ascano fustifiashon nan yora futsafo mil nocofunufofiacun man ato ichontiro. Nocon Ifo Diosin matohuunoa caifo futsafo matomaquishon potashquin man aton mai fiinon. Nannori nocon Ifo Diosin mato yoiyoni.

1 Samuel 14:12

Ascano Filisteofoan ato yoiquin isca huani, —Nuri nocoqui mapui fucahuun. Non mato ahuara tapimanon, —ishon Filisteofoan ato cunanifo. Nannori ato huaifoan nicaquin Jonatán a fu yonomisi yoini isca huaquin, —Nocon Ifo Diosin noco ashoin non ato rutunon. Ucachori mapuinihuun, —ishon Jonatán ahuun yonomati yoini.

1 Samuel 14:14

Jonatán futan ahuun yonomatinin samamashta veinte Filisteofo ahuun ranushumua rutunifo. Dos cientos metros cuana aton caya nanno pacutan nai futsunifo.